KA TUNGCHAW

KOREAN SIPAI VANDUAI Yang Kyoungjong (Indopui pahnihnaa ram hrang pathum tana ral dotu)               Nimin nilengin NET ṭha lo nen, nizan lamah Indopui 2-naa inkhuainuaina rura D-Day, Normany-a, Allied leh Axis ho inbeih dan ziah atan ka zawng khawm e ka ti a. He pa chanchin hi ka tum loh deuhin ka hmu a. A chanchin behchhan hian kum 2011 khan ‘My Way’ tih film an siam chu download chawpin,  zing dar 5 thleng khan ka en leh ta zawk a. A chanchin ka chhiar tirha ka nuih a zat nen, a film en erawh chuan a lainatawm ang reng thung hle. Eng pawh nise, a vanduai dan hi han sawi reng reng teh ang.               Yang Kyoungjong a chu Korean sipai niin, indopui 2-naah khan Japan ho tan ral beiin, Japan Imperial Army-ah a awm a. A hnuah Soviet sipai Red Army tan ral a do leh a, a hnu lehah German sipai Wehrmacht tan ral do lehin, Normandy-a German sipai an tlaw...

SCHINDLER-JUDEN AN TIH CHU! - Rohmingthanga Ralte The Schindler list tiin leh Schindler Jews (Schindler-a Judate) tiin sawi a ni bawk a. FILM LEH A BEHBAWM Indopui pahnihna hun lai, German hovin Juda ho suat hna an thawh tak tak lai khan, Oskar Schindler-a chu, German mi vek Juda mi tam tak lo humhimtu a ni ve mek a. A chanchin hi filma siam niin, Sidney Sheinberg-an, 'Schindler's Ark' lehkhabu a review chu, Steven Spielberg-a thawnin, heta ṭang hian film-a siam dan tur a rawn piang ta a. Thil thleng tak tak behchhan a siam a ni a. Kraków, Poland-ah ni 72 chhung kum 1993 khan shooting neiin, black and white film-a siam a ni. Black and white-a an siam hian chhan a nei a. Chu chu a hun lai boruak rapthlakzia leh ippikzia a tarlanna a ni. Tin, he filmah hian a Spielberg-a hian ‘Theme & Symbolism’ thiam takin a tarlang tel bawk a. Chu chu, black and white film-ah khan, naupang pakhat lo lanna bik chu a ti colour zeuh a. A kawrchung sen nena a chetla lai vel thla chu lain. ...

MIZO PADMA AWARD DAWNG TAWH TE - Ka Tungchaw Padma shri chawimawina, kum khat lai kan Nil hnuin, dawng tur an awm ve leh ta, kuminah mi pahnih ṭhawtin ''Literature and Education'' leh ''Literature and Education-Journalism'' field/discipline aṭangin an dawng ve leh ta nawlh a. A lawmawm hle mai! Padma shri dawnna field/discipline an ṭhen dan tlemte hi insawi zui lawk teh ang. Zawhna mawl buruh seh tak tak mi zawh chingte an lo awm ve ṭhin avangin. India ram pum ang chuan mihring kan tam em avangin, a dawn theihna kawng zawng zawng chu kan sawi vek seng lo ang. Mizoten an dawn ṭhinna field/discipline te chu- 1. Civil Service (A hnua 'Social Work' an tih tak hi a nih a rinawm?) 2. Social Work 3. Literature and Education 4. Journalism (Mizo zingah a hmasa ber atan, he field aṭang hian kuminah he award hi dawng an awm ta) Tichuan, khing field/discipline chi hrang palite khi Mizoten an dawnna ṭhin chu a ni mai a. A field/discipline ang phawk phawka saw...

PATHIAN HNAM THLAN LEH A THLAN VE LOH!? Pathian hnam thlan Juda ho râwt turin; A thlan ve loh German ho kha Pathian khan a thlang ve thung ni maw? Tihduhdahna engkim, mite nunrawnna tuar tur chuan Juda ho kha khawvel hnamah an lo 'fit' ber mai awm mang e? Tin, rawt chimih tumtu German ho lah kha hmelma atan pawh nise, an palian thei hlawm si a, awhawm loh ve tak chu an ni! Europe-a hnam bil ṭhenkhat khuan, Judate tuar ang kha tuar ve ta se, dam khawchhuak zo tak maw? Pathian hnam thlan ni chuang si lo, German ho lah khu 'hnam ropui' an ni thei reng mai hi, a mak ngawt mai. German sipaia ṭang leh an thlahte khan, an thlahtute nunrawnna an tuar vak lo ni maw? Indopui pakhatnaah an tlawm a. An chak loh chhuanlam zawnna lamah “Juda hovin, min phatsan a, kan hnunglam aṭangin min la vit zui'' tih auhla chu Juda ho huat nan leh thah chimih tumnan, an au hlaah a tawk veng vawng hle. Sawi dan dangah chuan Juda ho kha an fing si, sum dawn an thiamin hausa an tam si, an ra...

POETIC LICENSE leh LEIKAPUI RUN (Sulhnu her tin nena thaikawi ni lo)   Mite sawi peih tawh loh hnuah ka sawi ve teh ang. Kha hla maksak deuh kha, a phuah chhuak tura ngaihtuahna an sen pawh a zahawm a lawm le!   Thangthar hla phuahtu tharte hi a lehlam zawng chuan a ṭantu ka nih fo a. Mi dangte nen inhnial nana hman pawn an lamah ka ṭang ṭhin. A chhan chu a enga mah hmaa, a nem hniam zawnga kan lo sel vak mai chuan anmahnia theihna awm, a kuhmum mek chu a parchhuah zo loh ka lo hlauhpui ve a. Literature zirtirtu kan nih va hnu hmanah! Popular culture anga pawh luhna pawh ka nei ve ṭhin.   Mahse, hetiang a ni chung si hian. Basa ngama, mahni duh dan dan anga kan ṭawng kalpuia, keimahni ngeiin kan sawi fiah leh vak a ngai a nih chuan kan thu leh hla kha, a ngaithlatute thinlung thukah a lut har ngawt ang. Hla thluk nei hian trick pakhat a nei ve a, chu chu a ngaithlatute, a thluk a nalh chuan min hruai bo ṭhin.   Tun hnaiah tlangval pakhat...

HITLERA TROLL-TU Juan Pujol Garcia (Khawvelah hian inbum theih lohna tak tak a lo awm lo a ni e?) Indopui 2naah khan, dangdai tak maiin German sawrkar leh British sawrkar tan Spy hna a thawk kawp teh tlat a. Mahse, spy lem lem a lo ni tih chu; thi anga, a inthan tir hnu kum 40 ah hriatchhuah a ni ta chauh. Indopui 2-na chhuah hma khan Garciaa chu Spain-ah chengin, sumdawnna te nau kalpui a tum ve mek a. Mahse, a hlawhchham titih tlat mai a. Ar vulhnate nei vein, Spain tualchhung indona a chhuah lai khan pangngai takin a nun a lo hmang ve mek a. Sipaia a ṭan duh ve loh avang erawh chuan thubuai neiin, lung inah khung a ni a. Engtin tin emaw lung in aṭang chuan a tlanchhuak a. Barcelona lamah sumdawnna lam ṭan lehin, hotel manager hna a thawk a. Indopui pa 2na a rawn chhuah khan, British ho ṭanpui a duh ve hle a. Mahse, sipaia ṭang lo leh tawnhriat nei ve lem lo a nih avangin, indona mual lama chetla tur chuan duh lovin, hnawl a ni a. Tichuan, spy hna lam chu thawh a tum leh ...

MOSIN NAGANT RIFLE LEH SNIPER TURU RAPTHLAK PAHNIH - Ka Tungchaw (Tun lai chu indopui 2-na behchhan film ka en nasaa, Phung rilru-ah piring chauh an tih ang maiin, he lam hian rilruah a luah reng mai a) Indopui pahnihnaah khan Soviet lamin Mosin Nagant Rifle hi an ralsai thiamte leh sipai nawlpui hote an hman tir a. A hun lai khawvela rifle siam chhuah tam ber pawl niin, an siam ṭan tirh kum 1882 aṭanga, kum 1892 thleng khan maktaduai 37 vel siam chhuah nia sawi a ni.  A rifle nihphung lam chu sawi zui lo mai ila. He rifle hmang thiam em emtu, Sniper pahnih, ralsaithiam dun chungchuangte chanchin nen inhmer kawp thung teh ang.  1. THE LADY DEATH Khawvela hmeichhe ralsaithiam turu bera an sawi fo chu Lyudmila Pavlinchenko (Lutmila Paplichenka tiin an lam) khan he Mosin Nagant Model 1891 hmang hian, an hmelma sipaiho mi 309 (confirmed kills) a phil a.  He nu hi a danglam ve khawp mai! Soviet sniper tur atana hmeichhe 2000 an lak zinga pakhat a niin. ...