KA TUNGCHAW

  A SAKHMING PAWH KA HRIAT LOH KHA   - C. Lalthazuala     Kum sawm pali zet a lo liam ve ta reng mai, kha mi ni kha tiin ka sawi dawn nge, kha mi kum kha tiin ka sawi zawk dawn? Kum 2001, Pawlkut thla tir, tahrik ni 15 zan dar 9:30 vela i sakhmel ka hmuh hmasak ber tum kha tu te emaw hla thu-in "Nang ka tawn ni che khan” an tih ang ngawt hi chu a ni thei ngangin ka hre silo.   Khami nia Mizopa hun bi chhiar dan chuan kha zanah khan kei chuan ka tawng ngei mai che. Chawp leh chilh a ka thinlung fan chhuak vek tu, tun thlenga ka theihnghilh tawh loh ka chhing mitthla a, thlalak tha ber ang mai a fiah fai fel tak maia la cham zui reng, hlim taka Kristian Hlabu leh KTP General Conference hlabu, hla sak tur a zir zela l keu thlak vel sek mai leh, thalai rual kal khawmte boruak ti zang khai tura, mi thenkhat lemchan tawi buatsaih leh fiamthu thawh a hun hmang tu te i thut hmun atanga za fahrana i lo nuih vel hmel te mawlh mai kha chhing mitthla-ah ...