KA TUNGCHAW

GRANVILLE HENRY LOCH  Mizoten Manding Putara an tih kha kum 1891 December thlaah Aizawl a lo chhuak a. Police Commandant, Mizorama sipai (AR) enkawl tûra lo chhuak a ni a; engineer a ni bawk. Khatih laia Aizawla sipai leh sawrkar hmun pawimawh chu di in vek a la ni a. Kum 1892 March thlaah thlipuiin sawrkar inte chu a chhêm thlu vek a. Loch chuan sawrkar leh sipai hmun chu tha taka sak țûlin a hria a; mahse, Bawrhsap A.W. Davies-a khân chutianga insenso vak chu țûlin a hre lo thung a. Loch-a chuan ama thuin Khasi lungchher Sohan Roy, Mizoten ‘Sawnrai babu’ an tih chu a chah chhuak a, sipaiho leh hlawhfa a chhawr bawk a, Aizawl hi hill station ni tûrin a ruahman a. Sipaiho bahrik te, damdawi in te, dâk in te, quarter guard leh Sapho chênna tûr bangla te chu a chhuat leh a bangah lung remin, țha takin a sa a. Kawng a zawng a. Tlang dung zuiin Chanmari leh Kulikawn thlengin lamlian a sial a, Kulikawn atanga Dawrpui veng thlengin lung phêk a phah chhuak dap a. Zana khawnvâr...

‘Fângfar (Essays & Criticsim)’-ah hian thuziak 30 a awm a. Chung thuziak te chu a tlangpuiin hla aṭanga ziah chhuah te an ni hlawm. Mizo hla ṭha leh lar ho, hmanlai hla aṭanga vawiin thlenga hla lar ni mek te critical theory leh a history aṭanga zir chianna te a ni a. Mizo Literature tuipui te tan chuan neih ve ngei chi pawh a ni ang. He lehkhabu hi Dr. C. Lalawmpuia Vanchiau ‘Rambuai Literature’ ziaktu chuan, “Mi mal lehkhabu-ah chuan, hla zir chianna (critical reviewing) tamna ber pawl a ni ang” tiin a sawi. Pathian hla lam zir zauna a awm rualin, lengzem hla lam zir chianna a awm bawk a. Lenglawng hla leh ram hmangaihna chungchang mi hla aṭanga lo lang zir zauna leh literary critical theory aṭanga zir chianna te pawh a bang chuang lo.   Tunlai YouTube khawvela lar em em, pasalṭha kan ngaihsan em em chhan te pawh literary critical theory aṭanga a bulthum aṭanga chhuia zir chianna leh zir zauna a hmuh tur a awm. Lallianmawia hlaa ‘Chawngzil ang’ tih tehkhinna facebook khaw...