HITLERA TROLL-TU
Juan Pujol Garcia
(Khawvelah hian inbum theih lohna tak tak a lo awm lo a ni e?)
Indopui 2naah khan, dangdai tak maiin German sawrkar leh British sawrkar tan Spy hna a thawk kawp teh tlat a. Mahse, spy lem lem a lo ni tih chu; thi anga, a inthan tir hnu kum 40 ah hriatchhuah a ni ta chauh.
Indopui 2-na chhuah hma khan Garciaa chu Spain-ah chengin, sumdawnna te nau kalpui a tum ve mek a. Mahse, a hlawhchham titih tlat mai a. Ar vulhnate nei vein, Spain tualchhung indona a chhuah lai khan pangngai takin a nun a lo hmang ve mek a. Sipaia a ṭan duh ve loh avang erawh chuan thubuai neiin, lung inah khung a ni a.
Engtin tin emaw lung in aṭang chuan a tlanchhuak a. Barcelona lamah sumdawnna lam ṭan lehin, hotel manager hna a thawk a. Indopui pa 2na a rawn chhuah khan, British ho ṭanpui a duh ve hle a. Mahse, sipaia ṭang lo leh tawnhriat nei ve lem lo a nih avangin, indona mual lama chetla tur chuan duh lovin, hnawl a ni a. Tichuan, spy hna lam chu thawh a tum leh a, spy hna lamah pawh engmah tawnhriat a nei chuang lo.
Chutianga tawnhriat neita lo chu British sawrkar chuan a dilna chu a lo hnawl sak a. Vawi thum ngawt a dila, vawi thum ngawt an lo hnawl a ni. Mahse, spy hna han thawh chu a chak thlu ngang a ni ang. Rin loh lam, German ho hnenah chuan spy hnathawh chu an dil ve leh chawm mai a.
Spanish sawrkar hnathawk, Londona zin fo ṭhin, Nazi ho hmalakna ṭha tia, thlawp em em tu anga lemchangin. Lisbon khawpuia Spanish diplomatic official angin, ID lem te a siam a. Diplomatic visa lem hmangin Germanah a zin a. German ho hnenah chuan Londona a zin fo thu leh English a thiam em em thu te, chu chuan a hna atana a puih nasat dawnzia te an hrilh vel a. German ho pawh chuan an lo ring ve mai a, Londona spy hna thawk tur chuan an tir ve ta nge nge a.
Mahse, London lama kalta lem lo chuan Lisbon khawpui lamah a kal ta theuh mai a. Ral aṭanga London lam nunphung leh chinchang a hriat chian theih nan, tourist guidebook, England map leh an rel tlan dan hunbi chhinchhiahna te chu an lei ve thak a.
German ho hnenah chuan a spy lam hna, thu an thawn lah chuan a phuahchawp liau liau, dik lo baksak hlir a thawn ta ṭhin a. A thu rawlruk ṭhenkhat lah thuruk ni lo, mipui vantlang hriatsa vek te a ni fo a. Ṭhenkhat lah, news a duh anga a man a sawngbawl kual vel mai mai te a ni ṭhin a. A thurawlruk han dik loh baksak ṭhin dan chu tlawng vuaka mat dap an sawi ang a ni.
Entir nan -
Scottish ho chu wine litre khat pek tawh chuan duh duh an tih tir theih tih angte a thawn ṭhin a. Mahse, a nihna takah chuan Scots ho chuan wine an in ngai mang der si lo a.
German ho lah chuan an ring em em lehnghal a, spy, agent dangte rawih belh turin an ti a. Mi 27 chu la tharin, an hlawhte pawh German ho chuan an tum sak vek a. Mahse, a spy lak tharte lah chu a tak tak awm lo vek a la ni zui a. German ho a thurawlruk a dik loh tum chuan chung a sub agent te information dik loh vangah a puh awlsam leh then a.
German spy lem lema tan chu a la duhtawk ta lo fo a. A hmangaih hmasa Britirh spy nih chu a chakna a la bo lo a ni chek ang chu.
Londonah chuan an zin leh a, spy hnathawh chu a va dil leh a. Mahse, a vawi 2na atan an lo hnawl leh a. Sawi tawh angin, a nupui hruaiten an dil vel thul. Vawi 3 lai an lo hnawl hman nghe nghe a ni.
Vanneihthlak nge vanduaithlak ni dawn ni. Tihpalh thil tak meuhin, thudik pakhat British ho chu a hrilh ve a. Chu chu a tanrualpui ramte lawng chuan Malta a pan mek a ni tih chu an rawlruk ve leh a. British spy Mi5 ho khan an lo hre mai si lo nen, an hlauthawng buai hman hle nghe nghe.
Chutianga thu dik a sawi avang chuan British lam pawn a chungah rinna an nghah ve ngam phah ta a. Mi5 spy tur chuan an la ve ta a.
Mahse, a hnu lama a thurawlrukte chu a dik ngei em tih erawh finfiah a har ṭhin hle a. A thente lah an hriat vek hnuah te a rawn rawlruk veleh maï mai thin a. Dak(post) hmangin a thu hriatte a thawn thin a, dak a lo tlai ṭhin nen. Thu dik hriatsa vek thawn a ni ṭhin bawk a, rinhlelhna a pumpelh phah zel bawk a ni. British lam lah chuan I thu hriat chu a tlai deuhnaa, a lo dik hle mai te an la ti tak deuh deuh a.
Amah an rinna tura thil tih ṭhat ve tak pakhat a neih chu, tangrual lamin Normandy an run tum lai vel kha a ni a. German ho pawn tangrual hovin Normandy chu an rawn beidawn tih chu an hre thawi deuh a. Mahse, eng hunah nge an rawn beih dawn an hre lo a.
Garcia leh Mi5 ho chuan German ho chu thu dik lo rawlrukin, ''Normandy lamah tangrual ho an rawn kal dawn lo. Calais lamah a nih an rawn beih dawn'' tiin an hrilh a.
German ho pawh chuan chuti chu tiin ngaihṭha takin, Normandy lamah pawh tangrual ho beihna tur atan inpuahchahna famkim pawh an lo kalpui duh ta lem lo a.
Mahse, Normandy chu tangrualho chuan beiin, hnehna an chang zui ta bawk a. Indopui 2-na pawn, heta British hovin hnehna an chan avang hian inher danglamin, a tawp zui chho ta bawk a nih kha.
Heti chung hian Garciaa chu German ho chuan spy lem a nih tih an hrechhuak ta chuang lo.
Indopui 2-na an tawp khan, a lem vel veka a nun kual avangin, Europe khawmualpui chu Venezuela lamah tlanbosan a duh a.
Mahse, Venezuela lamah khan Nazi (Natzi tia lam) sipai ho, an sahimna zawngin, an lo tlan thla nasa mai si a. A tan a him reng dawn lo tih hriain, amah leh amah chu thi thanin an inthan tir vel ta a. Tichuan, hming lem nen, a hmel lan dan khabehmul hmang leh tarmita tidanglamin venezuela lamah chuan nun thar a ṭan ve leh ta a.
Tlai khawhnu fe, thi anga a inthan tirhnu kum 40-ah researcher ten amah a ni tih an hrechhuak veleh ta chauh a ni. Pui ve tak chu a ni hrim hrim mai.
Mak tak maiin British leh German lam hian a hun lai khan an hrechhuak zo lo ve ve a. Hriatchhuah chu sawi loh, an ramin chawimawina sang an pek thin an la pe ve ve zui a.
British ho chuan Order of British empire an hlan a. German lam chuan Iron Cross an hlan bawk a. British tan a a codenamed chu Garbo niin German ho tan Alaric codenamed-a nei chuan, Indopui 2-na kha thawveng ru takin a lo paltlang vel mai mai a ni ber e. Kan mikhual a zawk kha a lo a reng reng lo tih ang mai a ni ber e.
Sawi dan ṭhenkhat, amah fakna lam leh indopui 2-na hmel her danglamtu ti angte pawn, a chanchin hi sawi a awmin, hmuh tur a awm nual a. A hun laia a ram tam takin an hlauh rawn Hitlera sawrkar an lo bum hem hem mai kha, pui ve tak chu a ni.
Comments
Post a Comment