MIZO PADMA AWARD DAWNG TAWH TE
- Ka Tungchaw
Padma shri chawimawina, kum khat lai kan Nil hnuin, dawng tur an awm ve leh ta, kuminah mi pahnih ṭhawtin ''Literature and Education'' leh ''Literature and Education-Journalism'' field/discipline aṭangin an dawng ve leh ta nawlh a. A lawmawm hle mai!
Padma shri dawnna field/discipline an ṭhen dan tlemte hi insawi zui lawk teh ang. Zawhna mawl buruh seh tak tak mi zawh chingte an lo awm ve ṭhin avangin. India ram pum ang chuan mihring kan tam em avangin, a dawn theihna kawng zawng zawng chu kan sawi vek seng lo ang. Mizoten an dawn ṭhinna field/discipline te chu-
1. Civil Service (A hnua 'Social Work' an tih tak hi a nih a rinawm?)
2. Social Work
3. Literature and Education
4. Journalism (Mizo zingah a hmasa ber atan, he field aṭang hian kuminah he award hi dawng an awm ta)
Tichuan, khing field/discipline chi hrang palite khi Mizoten an dawnna ṭhin chu a ni mai a. A field/discipline ang phawk phawka sawi pawh khian hriatthiam loh tur a awm lo a. A aia phelsin leh pawh a ngai tawh lo.
Entirnan - Lit. and Education field/discipline aṭangin dawng an ṭhahnem ber a. Chu chuan a tarlan chu 'Thu leh hla, zirna muala' kutchhuak leh an thawhhlawk avangin chawimawina pek an ni mai.
Hla a phuah ṭhat vang a dawng nge. Thawnthu a ziah ṭhat vanga dawng nge, Lemchan a ziah tam vang a dawng nge tih lam pang biahthu kha a petu lamin thliar si se a ṭul an ti lo a nih hmel a. Literature leh education-a contribution a ṭhat avangin Lit. and education zawnah an pe tawp mai.
Lit. chu 'Poetry, Drama, Prose' a ni mai. Ze ṭhuang 3-ah hian kutchhuak ṭha neih vek chu mi pakhat tan a har em em ṭhin. An neih pawn 'an expert-na' genre ang em chuan a ropui mawh fo. Tichuan, Lit. and education aṭanga min an dawn chuan... Lit.-ah eng vang berin nge an pek ang tih zawhna mawl uchuak lutuk zawt ṭhin te tan... Literature awmzia leh nihphung kan hriat lohzia kan mawng kan hlim ta zawk a ni tih hriat a ṭha awm e.
Mizote la dawn ngaih lohna 'Journalism' field aṭangin kuminah Pu Lalbiakthanga Pachuau-in a dawng ta. Editorial a ziah ṭhat vang nge, news a tichhuah ṭhat vang nge tih kha va zawh buai a ngai lo. Journalist a nia, Journalism field aṭangin a dawng a ni mai.
Mizote zingah thil hriat bel vak loh pawh, mawngkaw tha nen, intihre deuha mi hnial ching kan awm thin. SIM HMAK a ṭha. Zirnaa thiam tawpthang Ph.D te hian engkim an hre vek lo a. Lit.-a Ph.D hi Rocket Science sawipui phet tum la. I tuipui phak khawp a sawipui pha lo ang che. Chutiangin Zoology lama Ph.D hi Indian history leh politics sawi pui vak vak tum la. A common sense-a a hriat bak. A bulthum leh chinchhuak chu sawipui che harsa a ti hle thei! Mahse, mi thiam lo a nih phah chuang lo. A expert-na filed-ah chuan vantlang chung lam a ni tho tho.
Mizo Padma chawimawina dawng tawhte: An dawn kum, hming leh an dawnna field te-
Padma Bhushan: (Mizo zingah mi pakhat chiahin a la dawng)
1. 2007 Captain L.Z. Sailo -Literature & Education
Padma Shri Awardee te:
1. 1983 Shri Anselm Sawihlira - Civil Service
2. 1985 Shri Jamesh Dokhuma - Literature and Education
3. 1986 Smt. Nuchhungi Renthlei - Literature and Education
4. 1987 Shri Hrangaia -Social Work
5. 1987 Smt. Khawl Kungi -Literature and Education
6. 1988 Shri Jadeng Buana - Social Work
7. 1991 Shri R.K. Lalhluna - Literature and Education
8. 1992 Shri Chuauhang Rokhuma - Social Work
9. 1998 Shri Ralte Vanlawma - Social Work
10. 1998 Brigadier Thenphunga Sailo - Social Work
11. 1998 Lalsangzuali Sailo - Literature and Education
12. 2000 Shri Pahlira Sena Chawngthu - Literature and Education
13. 2002 Dr. Hrahsel Sawi Luaia - Social Work
14. 2003 Dr. Chawngthu Lalhmingliana -Social Work
15. 2005 Prof. Darchhawna - Literature and Education
16. 2005 Rev. Lalsawma- Social Work
17. 2006 Dr. Laltluangliana Khiangte- Literature and Education
18. 2009 Shri Lalthangfala- Sailo Literature and Education
19. 2010 Lalzuia Colney - Literature and Education
20. 2011 Buangi Sailo - Literature and Education
21. 2012 Ralte L.Thanmawia -Literature and Education
22. 2013 J.Malsawma Literature and Education
23. 2014 C.Chhuanvawra - Literature and Education
24. 2018 A.Zakia - Literature and Education
25. 2020 C.Lalkamlova- Literature and Education
26. 2020 Lalbiakthanga Pachuau - Literature and Education - Journalism
27. Bualchhuak Sangkhumi - Social Work 2021
(In Picture- Pu Lalbiakthanga Pachuau ‘Lit. and Edu- Journalism’ aṭanga a dawng hian Mizo Journalist tam takte chona thar a pe khawpin ka hria. Padma award chungchangah hian sawi neuh neuh a awm ṭhin a. “Lit. and Edu” field aṭanga dawng an ṭhathnem deuh avang hian he award hi pawl pakhat-in an recommend leh mend loh avanga dawna, dawn theih loh ang zawnga sawina te a awm ṭhin. Mahse, hei field thar a rawn in hawng e.)
ZO TUNGCHAW
Comments
Post a Comment