Posts

KAWLTUCHAWI HLA SAWI FIAHNA

-
Image
KAWLTUCHAWI HLA SAWI FIAHNA Kawltu chu tuthlawh tihna a ni a. Kawltuchawi chu tuthlawh kenga hlo thlo thin te tihna a ni ber ang chu.  1. A hla changkhatnaah chuan an thenrual, lawmte nena hlo an thlawh dan a tarlang a.  An lo, an buh hmun chu ramngaw tha tak ang maiin buh chuan a ti hring mawi em em mai a. Chu hmunah chuan lawmte nen hlim takin hlo an thlo thin a. Rihmim thing rah sava vahui ten hlim taka an tlan ang maiin a inchan a. An hlo thlo tang ri te chu thiam takin an rum nghiai e tiin, an hmabak, an thlawh bak chu thlo zel turin tan an khawh zel a. A changin a sir lamah an han tawlha, hlo thlawh dana an chet vel dan te chu tarlang zelin. Nausen nu leh paten an lawm loh chung pawha hlim taka an nui hak hak mai te inchan zelin, hlo thlawh pah chuan a then an lo zai a. Hlim taka lawmte nena hlo an thlawh thin dan chu changkhatnaah hian min hrilh a ni.  2. A hla chang hnihnaah chuan lawmte nena an hlim thin dan. Tu dang an ngaih lohzia min tarlansak leh thung a.  Khua
Post a Comment
Read more

MIZO MISSIONARY HMASA R.DALA

-
Image
Mizo missionary hmasa R.Dala kum 1913-a Welsh rama a zin tum a, a thlalak. MIZO MISSIONARY HMASA R.DALA – Familia Fanai Lalţansanga Mizo zinga missionary hmasa R.Dala kha Chiauva fa 7 zinga 5-na niin kum 1884 khan Thangkama khua Sihfa-ah a piang a. A pa Chiauva hi a vanglai chuan Hmartudaia tih hiala mi huaisen a nih avangin a fapa hmingah  chawiin Ralzadala tiin an sa a. Ralzadala hi a naupan laiin Aizawl sipai bel nawta inhlawhfa-in Zosapte hnenah lehkha a zir a, kum1903 khan Lower Primary a pass a, 1904 kumah Upper Primary a zir zo a ni. Sawrkara  portdar (tangka chhiar ) hna a thawk ţan a,1906 kumah Bawrhsap  HWG Cole chuan Tezpur-ah Forestry hna zir turin a tir a. A zir zawh hnu hian Ţhelret Rahsi-ah a ţang nghal a. Hemi kum hian Pathianah harhna changin a piangthar a, “Gethsmena thlan sa kha” tih hla pawh a phuah nghe nghe a ni.  Sawrkar hna aia Pathian rawngbawl hna thlang zawkin kum 1908 December thla atangin Dr.Frazer leh Saptlangvala, Watkin Roberts te ţawnglettu
Post a Comment
Read more

NAIK. SABINGA LUNG HAWN NI

-
Image
Kumpinu-in Zoram a rawn awp khan, a Sipai țha leh huaisen Gorkha Rifle ho kha kumpinu sipai chhuanvawr an niin, tun thleng paw'n England-ah Gorkha sipai chu U.K sipai huaisen leh an chhuan vawr anla ni reng a nih hi.   Khang hunlai kum 1920 chho khan Mizo sipai Kumpinu hnuai a thawk kha tlem an awm ve a. Chu mi zinga pakhat chu Naik. Sabinga a ni. English ho chuan hmuh nawm en an duh a. Lammualah Gorkha sipai leh Mizo sipai chu football khelh tir an tum ta, Mizo sipai in Team khat an daih silo. Medical leh Clark ho te nen ințuk khawm a. Lammual-ah an inkhuainuai ta a ni. Eng dan leh dun mah awm loin anin khel ta. Sabinga chuan ''Ball a chhuah pawn mihring an tlang tur a ni lo'' tih kha an thupui a ni bur mai! Khatia kumpinu sipai huaisen Gorkha ho Sabinga pawl ten an ngam ta mai kha, MIZO hi hnam huaisen an ni tih hriain. Kumpinu Sipaiah tam tak lak tur tih kha Kumpinu thu tluk na a lo ni ta a.  Kum 1940 chho a Khawvel Indopui
Post a Comment
Read more

KHAWHRING SEHA INPUH - C.Lalnunchanga

-
Image
KHAWHRING SEHA INPUH  C.Lalnunchanga Khawhring hi kan sawi fo va, khawhring neia inpuh chiang taka kan hriat theih chu hla phuah thiam Rev P.D. Sêna nu kha a ni âwm e. P.D. Sêna hi kum 1901 khân Rungnawla khua, Kawlhawkah a piang a, a pa chu Hangkawia a ni a. P.D. Sêna chu kum thum mi a nihin a pain a thihsan a. A û Vawmkaia nên a nu hovin a pa û fa Piangrova bêlin Khawhaiah an pêm a. Piangrova thenawm hnai lawkah an nufa thum chuan an hmeithai ve rak rak a; mahse, miin Sêna nu hmeithai khawngaihthlâk tak chu, “Khawhring a nei a, mi a seh thin, khaw chhûnga awm ve tlâk a ni lo,” tiin an puh a, lal hnênah an hêk ta a. Hetih lai hian P.D. Sêna chu kum nga mi chauh a la ni a. Lal leh upate chuan a nu chu khua atanga hnawhchhuah tûr an ti a. Kawtchhuahah miin an thlir thuap mai a. P.D. Sêna chuan tap chungin a nu chu zui a tum a, a hnam hruiah a pawt a. Mahse, miin P.D. Sêna chu an hnûk hrang a, artui chhum hminin an thlêm a; tichuan a nu, ramhnuaia vakvâi tûra an hnawhchhuah chu a
Post a Comment
Read more

Zodinpuii book review

-
Image
ZODINPUII ‘Zodinpuii’ thawnthu (Novel) hi Lalchhantluanga ziak, phek 283 a chhah kum 2011-a chhuah a ni.   He thawnthu hi Joel Remsanga ( Joe/Remsanga) , Lucy Zodinpuii (Lucy) leh Catherine Zodinpuii (Catherine) te pathum inhmangaihna khawvel tar lanna a ni ber a, vanduaina leh dinhmun in a zir loh avanga tum lawk leh beisei loh dana hmangaihna lo pian dan te, intiamkamna avanga hmangaihna tih tluantlinga a awm dan tarlanna a ni bawk. Tin, mahni ram hmangaihna (Patriotism) thiam taka tar lan dan kan hmu bawk. Thawnthu tlangpui : Joel Remsanga leh Lucy Zodinpuii (a ziaktu koh danin Joe/Remsanga, Lucy leh Catherine kan tih tawh ang) Lucy-i leh Joe-a te chu inngaizawng an nih mai piah lamah nupa hiala insiam tum leh inhual tawh an ni. Joel-a leh Lucy-i te hi anti-AIDS campaign-a inchhar an ni a, chutih lai chuan pawl sawmpakhat leh pawl kaw zirlai an ni a; A thawnthu bula lamah chuan Lucy-i’n Joel-a Shillong atanga Aizawla a zin tur a thlah dan a rawn
Post a Comment
Read more

MIZO LEH VAI INKHELH THU (Thing Leh Raw Innawh Lai) - C.Lalnunchanga

-
Image
MIZO LEH VAI INKHELH THU (Thing Leh Raw Innawh Lai)  - C. Lalnunchanga . January 20, 2012 Mizo zinga Subedar ni hmasa ber Pakunga kha kum 1914-ah kum 14 mi chauh niin Assam Rifle-ah a tang a. Mahse, Pakunga hi Mizo zinga sipai tang hmasa ber a ni lo. Sipaia lût hmasa mi tlêm tê, arla tui zât emaw lekte khân harsatna an lo tâwk tam ngiang mai. Mi hmingthang Rumliana kha Assam Rifle-a tang hmasa pâwl a ni a, kai sân a harsatzia hla a phuah a:     ‘Kei zawng promotion kai ve reng hian ka mawi lo,      Vaiho zawng zawng ka hmêlma in lo ni e,’ a ti thlâwt a.     Subedar Pakunga khân kum 8 sipai a tan hnuah bel khat a kai ve hrâm a, mi vannei a ni. Kum 1929-ah Battalion Quarters Master Havilder-ah kai sântir leh niin Silcharah an sawn a. Hemi kum hian June thlaah hân miah lovin ni 10 chhûng ruah a sûr a, Mizote’n ‘Minpui kum’ kan tih kha a ni a. Mizorama lei min kan buaipui laiin, Silchar erawh chu tuilianin a tibuai thung a. He tuilian hi Assam rama tui lia
1 comment
Read more