PAPER –V
THEORY OF LITERATURE
UNIT -1
- Ka Tungchaw
(Theory of Literature bu aṭanga MCQ atana lakchhuah a ni e)
LITERATURE SAWIFIAHNA
1.
Literature thumal ṭobul hi Latin ṭawng ‘littera’ (lehkhathawn tihna) tih
aṭanga lo chhuak a ni a.
2.
Chuta ṭang chuan ‘literatus’ a lo pianga, chu chu ‘lehkha lama hriatna
nei’ tihna a lo ni leh a.
3.
‘Literatura’ a lo piang leh a, chu chu ‘hawrawp hmanga thuziak leh ṭawng
dik zirna’ tih lam a rawn hawi ta a.
4.
French ṭawng thumal pakhat, thuziak awmze nei an sawina ṭawngkam tho ‘litterature’
tih nen hmer zawmin. Sap ṭawng thu mal thar ‘literature’ tih hi kum zabi 14 aṭang
khan an lo hmang ṭan ta a ni.
5.
Awmze puitling neia an hman tak tak hun erawh kum zabi 19-na ah a ni.
6.
Literature hrilhfiahna pahnih a awm a. A hmasa zawk hian a huam zau hle
a:
“Eng thu pawh ziaka dah awm
reng reng, a ziak dan leh a chhung thu awm dan pawh thlei dang chuang lovin,
eng chanchin leh eng chungchang emaw leh eng thil emaw pawh ziaka dah tawh phawt
chu” a huam thei vek a ni.
A hrilhfiahna hnuhnung zawk
leh huam zim zawk, a zirna mual aṭanga pawm nuam zawk chu:
“Literature (thu-leh-hla/Thuhlaril)
chu mihring rilru leh ngaihtuahna, lunglen zawng leh vei zawng thu eng pawh,
mihring nun nena inlaichinna eng emaw tak nei, awmze kumhlun nei tur chia mawi
leh nung tak tura phuah chhuah hi a ni”
7.
‘Literature’ hi khawvel thil mawi (arts)
zinga mihring lung dumtu ber a ni. A chhui zau leh chhui thuk apiangin an
hlimpui lehzual ṭhin.
LITERATURE ZEṬHUANG
1.
Literature zeṭhuang hi hlawm lian pui pui pathumah ṭhen hran a ni a.
Chungte chu an upat dan indawtin:
(1)
Poetry
(2)
Drama leh
(3)
Prose te an ni.
2.
A chang chuan zeṭhuang hnih chauh anga sawi thei a ni bawk a; Poetry leh Prose tiin. A chhan pawh
Drama hi ṭhenkhatin Poetry huanga an khung laiin, ṭhenkhatin Prose huangah an
khung ṭhin vang a ni. A chhan dang leh chu Lemchanah hian hla leh thu a tel kawp ṭhin vang a ni.
3.
Literatue zirna mualah chuan ziaka dah (written record) awm chin chauh
zir a ni deuh ber ṭhin.
4.
English literature-a hla upa ber chu tlar 3182 lai a sei ‘Beowulf’ (Old English Heroic Epic Poem) a ni.
5.
Kum 1600-1700 thleng khan lemchan ziaktute chuan, lemchan ziah nan hla thu an hmang deuh ber.
6.
William Shakespeare a rawn lan khan, ani khan lemchan thawnthu ziah
nan, hla leh thutluang a rawn hman
pawlh ṭan ta a ni.
7. ‘Literary Trends’ hi
hrilhfiah dan pahnih a awm a. A hmasa zawk chu:
“Hla leh thuziak thlur hrang
hrang hmasawn leh ṭhan dan tlangpui emaw, thuziak leh leh thil thar a tahtawla
a lo lan chhuah zel dan” tiin.
A hnuhnung zawk chu, “Lemchan
leh thuziak thlur hrang hrangin awn lam leh pan lama neih dan tlanglawn ber hi
a ni thei bawk”.
ZO TUNGCHAW
👍🏻👍🏻👍🏻👍🏻
ReplyDelete