Posts

No. 4 AN TIH CHHAN, A NIHNA CHHAN.

-
Image
No. 4 AN TIH CHHAN, A NIHNA CHHAN. (Disclaimer: He post hi kan hriatna tizau atan, educational purpose atana post a ni e) - ZO Tungchaw Facebook Page ( https://www.facebook.com/ZOTungchaw2RH ) A number an pek dân (numbering system) hi, dân phal loh damdawi sumdawnna aṭanga lo chhuak nia sawi a ni. Heroin hi an siam dân aṭangin, a fir (purity) dân leh an nihphung aṭangin hetiang hian number hmanga ṭhen sawm ṭhin a ni. No. 1 chu ‘Ka-ni’ (opium) kan tih hi a ni a. Poppy pangpar aṭanga an hnai chhuah, la thlitfim miah loh te hi an ni. No. 2 chu Ka-ni kan tih aṭanga an thlitfim deuh hret ho hi a ni a. Nachhawkna lar em em, ruihtheih, addict theih Morphine leh a tlukpui ang chi vel hi an ni. No. 3 chu No. 2 aṭanga an thlitfim leh hret, a rawng pawh a buang deuh a ni a. Heng hi zuk atan an hman ber ṭhin avangin 'smoking heroin' tia sawi a ni ṭhin. Brown sugar tia kan hriat ṭhin te pawh hi a ni mai awm e. No. 4 chu no. 1 aṭanga no. 3 thlitfimna rawn paltlang vek tawh. Fir lutuk tak m...
Post a Comment
Read more

Thereng chi hrang hrang hming - Ka Tungchaw

-
Image
Thereng chi hrang hrang hming  - Ka Tungchaw Tlêm lai khan whatsapp lamah 'Thereng' chi hrang hming zawhna kha a darh chiamin ka hria. Kan hriat larho chu- 1. Lelte 2. Ngirtling 3. Rengchal 4. Kawrnu te an ni mai awm e? Mi nawlpuiin kan hriat tawh vak loh chu- 1. Dawlrem 2. Vêvû 3. Dehchi 4. Rengpuitairang 5. Sengburui 6. Nipui thereng 7. Losul thereng 8. Zo kawrnu (Phai/Thlang kawrnu nen a hrang a nih hmel?) 9. Thereng-awm-tut 10. Rahtea 11.Lalruanga-seluphan-zawn 12. Saw-saw-rawt 13. A-awm-reng-si-a 14. Khuangpuiliani 15.Rimenhawii-kawngkhar 16. Rengmeihawl 17. Rengbit 18. Chêpchêp 19. Um-mê 20. Uleuh Thereng hming hrang hrang 20 chuang kan lo nei a nih chu...   Therengte hian kan thu leh hlaah hmun lailum ber, hmun pawimawh ber an chang a tih ngam ang. Tehkhinnana hman an nih fo bakah, an hram chu hla ti mite tan phei chuan lunglenna avangin hla thar a pian phah fo zel.  Damhauhva pawh khan 'kawrnu' (thereng chi khat) hram an hriat khan, Thlang kawrnu leng nen Sen na...
Post a Comment
Read more

ESSAY ON MAN EPISTLE II BY ALEXANDER POPE Letlingtu Robert Thangmawia (L) – Ka Tungchaw

-
Image
ESSAY ON MAN EPISTLE II BY ALEXANDER POPE Letlingtu Robert Thangmawia (L) – Ka Tungchaw   (He poem hi U Tma dam laia ka lehlin tir a ni a [ni 9/11/2013 8.45, fb inbox-a min thawn]. Ani kha English thiam zet mai, B.A a zirlai pawha, English bazar note siam thei a ni a. A English note siam chu a classmate ten an hmang ṭhin, A rual rem lo laite siamṭhain, he poem hlu tak, mahni inenfiah nan ṭha zet hi kan zavaia hriat atan a va itawm em- RH)   He poem hi Alexander Pope-an Pathianin duh taka a din, he lei leh van (vanram ni lovin) ‘Universe’ leh mihring inkungkaihna te, mihringte aia Pathian chungnunna te, Pathian thilsiam nena inrem taka mihringte kan khawsak theihna tur kawng dik nia a hriatte thuril thuk tak (philosophical) taka a puan chhuahna a ni a. He poem kan zir mek lai hian amah Pope-a kha politics thilah chuan thil inlumlet but but aia kalphung pangngai leh ze ngheta kan neih sa humhim a, chhawm nun duhtu (conservative) a ni, tih kan hriat a pawimawh a...
1 comment
Read more

THLALER AURAWL -C.Lalnunchanga

-
Image
  THLALER AURAWL -C.Lalnunchanga   Bible tawngkam tih pawh theihnghilh khawpin ‘Chawlhna Tuikam’ tih leh Mafaa tih hi a inhmeh a. Kha chawlhna tuikamah khan min chawlhpui rei lutuk a, kan chawl hlen tawh mai dâwn emaw kan ti hman hial a. Chutah, a hming a lo lan leh chuan Mafaa, ziakmi kha ni lovin, Mafaa, comedian a rawn lang luau mai a. Hman deuh khan thlaler atanga a aurawl kan hre leh ta a. Fapa tlan bo lo haw leh kan chan rum rum a. Vaihna Vartian a rawn ti zui leh nghal a. Fapa tlan bo zawng a lo ni lo ve.   Thlaler atanga Mafaa aurawl kha a ring tawk lo deuh niin ka hria a, ka rawn khuanpui teh ang.   A thuhmahruai kan chhiar atangin Mafaa, mi â kha a ni tih ka la hre thei a. Ni chiah e, a thu leh hlate hi mi fing ziah duh chi ni nghal lo chuan, a fing deuh chuan a ziah pawh kan ziak ngam lo reng a. Tumah tihlawm tum pawh ni hran lo, pawisa hisap chunga ziak pawh ni lo, awmze nei taka kalpui pawh tum lo thu ziah hi, tunlaiah tu nge a fing man...
Post a Comment
Read more

VALHA VALA VALHALA! -Mafaa Hauhnar

-
Image
VALHA VALA VALHALA! -Mafaa Hauhnar   Tunlai khawvela a movie leh a novel ang zâwnga tlângtla êm êm, chhiartu leh entute’na an kûrpui nasat tak mai chu “Fantasy” hi a ni âwm e. JRR Tolkien -a The Hobbit leh The Lord of the Rings te, C. S. Lewis-a The Chronicles of Narnia te leh tun lai deuh J. K. Rowling-i Harry Potter thawnthu te, Twilight (series) Stephenie Meyer kutchhuak atang ringawt pawh hian a chiang ngang mai.   Fantasy chu thawnthu phuahchawp (fiction) thlur (genre) chi khat, khuarêl khawvêl kalphung kalh, leilung dana hrilhfiah hleihtheih loh thil, tisa khawvel piah lam, suangtuahna rama din leh duan, dawi leh rau lam kaihhnawih, mi tih theih si loh, sa ni chiah chuang bawk si lo, thilsiam maksak tak tak “channa” a ni. Science fiction leh horror nena ngaihpawlh loh a tha âwm e.   Fantasy literature hi Mizote’na kan tlâkchham lam tak mai a ni a. Hemi huang (genre)-ah hian Mizo hniak hmuh tur a awm meuh lo a tih theih hial ang. Tuna C Lalnunchanga...
Post a Comment
Read more