KHAWVEL HUAPA DAN PHAL LOHA SUMDAWNNA (SMUGGLING) HLAWK TE.

KHAWVEL HUAPA DAN PHAL LOHA SUMDAWNNA (SMUGGLING) HLAWK TE.

(Disclaimer - Kan ram hi smuggling kawng pakhat a ni mek a. Chuvang chuan mipui nawlpui hian he lam hi kan hriat zau ve a ṭha. Ral thlir tawp lovin, dân phal loha sumdawnna hian mi zawng zawng min nghawng thei si a. Educational purpose atan hei hi ziah a ni)

- Posted in ZO Tungchaw Facebook Page
( https://www.facebook.com/ZOTungchaw2RH )

Dân phal loha sumdawnna (smuggling) hi a ruka sumdawnna industry lianpui a ni a. Thil chi hrang hrang dân phal lohin khawvelah hian tawlh ruk huai huai reng a ni. A hlawk dân (profitability), mamawhna (demand) a tam dân leh chhiat vek huam (risk) pawha tih ṭhin a ni. Khawvel huapa dân phal loha sumdawnna hlawk dân indawt chu hetiang hi a ni.

1. DRUGS (sumdawnna hlut zawng hi kum khatah tluklehdingawn $ 500 aia tam nia ngaih a ni) :
Cocaine, heroin, methamphetamine, and fentanyl an tih te hi an tawlh ruk nasat ber ber damdawite an ni.

# A kalna kawng lian deuh deuh te chu: South America → North America, Afghanistan → Europe te a ni.

2. COUNTERFEIT GOODS – (sumdawnna hlut zawng hi kum khatah tluklehdingawn $ 500 ang vela ngaih a ni) :
Counterfeit Goods kan tih te chu a lem (duplicate), a tak ang ve taka siam te hi an ni a. Khawvel huapa mi hausa tawntaw te thil neih ang, nuamtawlna lam thila a lema siam (fake luxury brands) te, electronics thil te, damdawi siamna lam thil (pharmaceuticals) leh motor parts lem te an ni. Mizoram lamah chuan China aṭanga lo kal electronics duplicate phei chu kan hmu tam em em ṭhin. Kan hre thiam ang chu.

# A siam chhuaktu lian te chu: China, Southeast Asia lam te an ni.

3. HUMAN TRAFFICKING & MIGRANT SMUGGLING (sumdawnna hlut zawng hi kum khatah tluklehdingawn $150 chuang ang vela ngaih a ni):
Mihring tawlhruk sumdawnna leh dinhmun ṭha zawk beiseia mi rama hnathawk tura pem te lo bum kuala, sumdawnna atana lo hman hian, hnathawka inchhawr luih te, mipat hmeichhiatna lama inhralh te, dân loa mi rama luh theih nana sumdawnna ang te a huam a ni.

# A kalkawng: Africa & Asia → Europe, Latin America → USA te a ni.

4. WEAPONS SMUGGLING (sumdawnna hlut zawng hi kum khatah tluklehdingawn $20 chuang ang vela ngaih a ni)
Dân phal loha silai leh a kaihhnawih tawlh ruk te, sipai leh sipai indona hmun ni loa, sipai hman ṭhin ang ralthuam tawlh luh te hi, mi sual tawrawt inzawmkhawm ten sumdawn nana an kalpui ṭhin a ni.

# A kalkawng: USA → Mexico, Eastern Europe → Africa & Middle East.

5. WILDLIFE & EXOTIC PETS – (sumdawnna hlut zawng hi kum khatah tluklehdingawn $20 ang vela ngaih a ni)
Heng sumdawn nana an hman lar te chu: sai ngho, samak ki, saphu, sava vang chi, sakei taksa peng hrang hrang te a ni a. Tun hnaiah Burma lam aṭanga kan rama ramsa leh nungcha awm ngai lo, lo tawlhruk man pawh a tam tawh viau hi. Kan hre vek ang chu.

# A kalkawng: AFRICA & ASIA → CHINA, USA, AND EUROPE.

6. GOLD SMUGGLING – (sumdawnna hlut zawng hi kum khatah tluklehdingawn $10 chuang vela ngaih a ni)
Rangkachak tawlhruk chhan chu, taxes awl ruk nan te, pawisa chheprelh nan te, dan loa lei hnuai hausakna laih chhuah aṭanga hlawkna siam nan te a ni.

Rangkachak tawlh ruk hi mi ṭhenkhat chuan a pawina kan hre lo a. Sualah pawh kan ngai lo ṭhin. Mahse, ram economy nasa takin a tidanglam thei. Tax awl ruk nan leh pawisa chheprel nan hian an bank account lamah te pawisa an dah ngam loh avangin, in hmun lo ram leh thil dang te an lei pawp pawp a. Chung chuan mipui vantlang a nghawng a. In hmun man a to phah a, thil mante a ti sang vak vak thei ṭhin a ni. Kan ramah pawh kan tawrh tak mek hi.

# A kalkawng lian te: Africa & Latin America → India, UAE, Switzerland.

7. OIL & FUEL SMUGGLING – (sumdawnna hlut zawng hi kum khatah tluklehdingawn $10 ang vela ngaih a ni)
Dân phal loha tuialhthei tawlhruk hi indona awmnaah a thleng nasa ṭhin. Burma ram buai avangin Mizoram aṭang pawn oil tam tak an phurh luh thu kan hriat fo hi. An leina aia man to fein an hralh ta ṭhin a. Vawilehkhatah min nghawng dawt lo mah se hetiang dân loa sumdawnna a tam lutuk chuan zawi zawiin kan tuar ve thei zel a ni.

# A kalkawng lian: Venezuela → Caribbean, Syria → Turkey, Nigeria → Europe.

8. CIGARETTE & ALCOHOL SMUGGLING (sumdawnna hlut zawng hi kum khatah tluklehdingawn $10 chuang vela ngaih a ni)
He sumdawnna hi tax awl ruk nan leh thil lem hralhna hmanga kalpui a ni. Hman ni khan Burma lam aṭangin Gold flake king size cigarrette lem pawh an man ṭeuh kha. Burma sikret te pawh kan ramah a luh nasatzia hi. Kan hmelhriat sa a ni e. Zu chhia te pawh zu khapna hmunah chuan an man fo.

# A kalkawng : China → Europe, North Africa → Europe.

9. ORGAN TRAFFICKING – (sumdawnna hlut zawng hi kum khatah tluklehdingawn $1 vela ngaih a ni)
Mihring taksa peng tawlh rukna - kal, thin leh lung te hi mamawh an tam a, a mamwhte hman tur hi a thlakna tur mi’n an taksa peng te an hralh ṭhin tih chu kan hre vek awm e. Mahni taksa peng pawh ni se, duh duhin kan hralh ngawt thei miah lo a ni. Dan a awm vek avangin.

# A kalkawng: South Asia → Middle East, Africa → Europe.

10. ART & ANTIQUITIES SMUGGLING – (sumdawnna hlut zawng hi kum khatah tluklehdingawn $1 – 10 vela ngaih a ni)
Hmanlai thil hlui, mihringte siam chhuah, hnam thil, thil hlui hlu tak tak te hi ruk bo ṭhin niin, man to tak taka hralh ṭhin a ni. Tin, artwork lem te pawh a tak anga hralh ṭhin a ni bawk.

# A kalna kawng: Middle East → Europe & USA, Latin America → USA.

A indawt dan hi sum an lakluh tam dan leh mamawhnain khawvel a nghawng dan atanga siam a ni a.

Damdawi leh thil lem (counterfeit) tawlh ruk hi a hlep a ṭha ber a. Mihring tawlh ruk hi kan chhia leh ṭha hriatna aṭang leh dan mit aṭanga sual lian bera ngaih a ni thung.

Source: ChatGPT
Picture: Google image

WARNING: Sap ṭawng aṭanga kan lehlin a ni a. Post-tu phalna lo chuan YouTube lamah sum hmuh nana lo chhiar ringawt phal a ni lo.

Social media platform dang Fb, WhatsApp te chuan kan hriat tlan atana a ṭhat avangin, kharchhawn phal a ni.

ZO TUNGCHAW