𝐁𝐄𝐃 𝐎𝐅 𝐑𝐎𝐒𝐄𝐒 𝐋𝐄𝐇 𝐉𝐎𝐍 𝐁𝐎𝐍 𝐉𝐎𝐕𝐈 𝐇𝐌𝐀𝐍𝐆𝐀𝐈𝐇𝐍𝐀 𝐊𝐀𝐖𝐍𝐆 - 𝐑𝐨𝐡𝐦𝐢𝐧𝐠𝐭𝐡𝐚𝐧𝐠𝐚 𝐑𝐚𝐥𝐭𝐞

𝐁𝐄𝐃 𝐎𝐅 𝐑𝐎𝐒𝐄𝐒 𝐋𝐄𝐇 𝐉𝐎𝐍 𝐁𝐎𝐍 𝐉𝐎𝐕𝐈 𝐇𝐌𝐀𝐍𝐆𝐀𝐈𝐇𝐍𝐀 𝐊𝐀𝐖𝐍𝐆

(ᴋʜᴀᴡᴠᴇʟ ᴀᴡᴍᴄʜʜᴜɴɢᴀ ʜʟᴀ ɴᴀʟʜ ᴄʜᴜᴀɪ ɴɢᴀɪ ʟᴏ ᴛᴜʀ)

-𝓡𝓸𝓱𝓶𝓲𝓷𝓰𝓪 𝓡𝓪𝓵𝓽𝓮

 A thiam zawk leh hre ril tur zawk te hian ziak ta nge an ti ṭhin si lo a. Kan tleirawl chhuah ve tirh 90s aṭanga vawiin thlenga ka la ngaihthlak reng ṭhin, a nalhna leh a mawina thinlunga chuai thei miah lo hla Bed of Roses, Bon Jovi hla behbawm hi han chip ve leh mai mai teh ang.

He hla phuahtuin tehkhinna (metaphor) a hman ṭhenkhatte hi hriatthiam a har ka ti ṭhin a. Jon Bon Jovi hi technically pawn hla phuah lamah hian a sang hle a nih hi. 

A hla thu hman dan ṭhenkhatte hi hre fiah turin, Internet lam nen ṭangkawpin ka zawng ta vak a, hmuh tur lah a lo awm vak law. Ka hmuh phak chin tlem te aṭang kan ziak ve leh thawr mai ang e.  

A hla thu a ngiala ngana letchhuak turin ka sap ṭawng thiamnain a phak loh rual chiahin, ka Mizo ṭawng thiamna lahin a pha hek lo a. Chuvangin a hla thu zawng zawng hi chu a ngiala nganin kan let chhuak buangbar lo mai ang.

 ‘Bed of Roses’ a tih hian a hmangaih a hun tawn lai meka, a kianga awm si lo chu a sawi chhan a ni a. Bed of Roses hlaah hian a phuahtu hian thupui (central theme) pahnih a tlan kawp tir a. Pakhat chu ama mi mal nuna harsatna awm tam tak, a rilru hahna, hlim leh him loa a inhriatna a au chhuahpuina a ni a. A dang leh chu hmangaihna khura a tlak luhpui a Dii tana an hmangaihna kawng a aupuina a ni. A hnuhnung zawk hian a hla pumpui hi a hrilhfiah zawk bawk awm e. 

 He hla hi Jon Bon Jovi-in, Los Angeles Hotel rooma a phuah a ni a. He hla a phuah lai hian, a zan hmasa lama zu an in nasat avangin nasa takin penṭawngin a awm mek a. A hotel thlennaah chuan, inneihnaa an hman Piano hlui tawh tak pakhat chu a la awm mek bawk a. A mimal nuna harsatna a tawh mek chu he hla hmang hian a au chhuahpui ta a ni. 

𝘚𝘪𝘵𝘵𝘪𝘯𝘨 𝘩𝘦𝘳𝘦 𝘸𝘢𝘴𝘵𝘦𝘥 𝘢𝘯𝘥 𝘸𝘰𝘶𝘯𝘥𝘦𝘥

𝘞𝘪𝘵𝘩 𝘵𝘩𝘪𝘴 𝘰𝘭𝘥 𝘱𝘪𝘢𝘯𝘰

𝘛𝘳𝘺𝘪𝘯𝘨 𝘩𝘢𝘳𝘥 𝘵𝘰 𝘤𝘢𝘱𝘵𝘶𝘳𝘦

𝘛𝘩𝘦 𝘮𝘰𝘮𝘦𝘯𝘵 𝘵𝘩𝘪𝘴 𝘮𝘰𝘳𝘯𝘪𝘯𝘨 𝘐 𝘥𝘰𝘯'𝘵 𝘬𝘯𝘰𝘸

'𝘊𝘢𝘶𝘴𝘦 𝘢 𝘣𝘰𝘵𝘵𝘭𝘦 𝘰𝘧 𝘷𝘰𝘥𝘬𝘢

𝘚𝘵𝘪𝘭𝘭 𝘭𝘰𝘥𝘨𝘦𝘥 𝘪𝘯 𝘮𝘺 𝘩𝘦𝘢𝘥

𝘈𝘯𝘥 𝘴𝘰𝘮𝘦 𝘣𝘭𝘰𝘯𝘥𝘦 𝘨𝘢𝘷𝘦 𝘮𝘦 𝘯𝘪𝘨𝘩𝘵𝘮𝘢𝘳𝘦𝘴

𝘛𝘩𝘪𝘯𝘬 𝘵𝘩𝘢𝘵 𝘴𝘩𝘦'𝘴 𝘴𝘵𝘪𝘭𝘭 𝘪𝘯 𝘮𝘺 𝘣𝘦𝘥.

A zan hmasa lama zu a in nasat avangi𝘯, lu rit burin a tukah a penṭawng kha a ni a. Chuvangin a hma zana a thil tawn leh mumangte pawh chu chhuilet hlei thei loin a ngaihtuahna chu a chawmawlh vek a. A tawnmang mak pui pui chu a khumah te chuan a takin a la cham emaw te tiin a rui nawi ve hle a ni ber e. Chutih lai chuan a hmaa a movies en chu a ngaihtuah zui nasa hle tih a hriat a. A hnuai line pahnihah hian chu chu a rawn tlan tir a. 

𝘈𝘴 𝘐 𝘥𝘳𝘦𝘢𝘮 𝘢𝘣𝘰𝘶𝘵 𝘮𝘰𝘷𝘪𝘦𝘴

𝘛𝘩𝘦𝘺 𝘸𝘰𝘯'𝘵 𝘮𝘢𝘬𝘦 𝘰𝘧 𝘮𝘦 𝘸𝘩𝘦𝘯 𝘐'𝘮 𝘥𝘦𝘢𝘥.

The Doors movie, Val Kilmeran, Jim Morrision-a lem a channa chu a hmain an lo en a. Chu chuan a ngaihtuahna a hruai hle a ni tih a hriat a. 

The Guardian a hrilh dan chuan, “Ummhh.. Kha movies khan mi tiphur hle a. Kan en zawh hnua kan haw lam pawn phurna nasa tak min pek avangin, kha film ang khan ka ngaihtuahna a kal a. Lamlian pakhat one way ah te, a bak zawng ten kan tlan lui a, a tuka ka harh chuan kha thil thleng te kha ka ngaihtuah let leh nasa viau a, kha ta ṭang khan a he lai tlar 2 hi a lo kal ta a ni” tiin a sawi. 

𝘞𝘪𝘵𝘩 𝘢𝘯 𝘪𝘳𝘰𝘯𝘤𝘭𝘢𝘥 𝘧𝘪𝘴𝘵

𝘐 𝘸𝘢𝘬𝘦 𝘶𝘱 𝘢𝘯𝘥 𝘍𝘳𝘦𝘯𝘤𝘩 𝘬𝘪𝘴𝘴 𝘵𝘩𝘦 𝘮𝘰𝘳𝘯𝘪𝘯𝘨.

 A hmangaihi nena an inkar chu tihchhiat leh pawh ṭhen mai mai theih a nih loh thu sawiin. Mipat hmeichhiatna kawngah pawh thuk takin hun leh nun an hmang ṭhin a. (He lai hi chu a ngiala nganin sawi lo mai ang. Zahmawh ngialngan sawi tel a ngai dawn. A metaphor hman hian a sawi thui si a)

𝘞𝘩𝘪𝘭𝘦 𝘴𝘰𝘮𝘦 𝘮𝘢𝘳𝘤𝘩𝘪𝘯𝘨 𝘣𝘢𝘯𝘥 𝘬𝘦𝘦𝘱𝘴

𝘐𝘵𝘴 𝘰𝘸𝘯 𝘣𝘦𝘢𝘵 𝘪𝘯 𝘮𝘺 𝘩𝘦𝘢𝘥

𝘞𝘩𝘪𝘭𝘦 𝘸𝘦'𝘳𝘦 𝘵𝘢𝘭𝘬𝘪𝘯𝘨

  Nasa taka penṭawng a nih avang khan a lu-ah chuan eng eng emaw chu a la inchawh pawlh nuai nuai a. Rimawi tumtu ṭhenkhatte rimawi tum ri pawh chu, a thluakah a la cham reng a. Chuti chung chuan a hmangaihi ngaihtuahnan a rilru chu kal ding tir a tum hram hram a. Chu a hun tawn mek leh an pahnih inkarte ngaihtuah pah zelin, a lungruni chu a mamawh ber leh a duh ber a nihzia chu thu dik a ni tiin a au pui leh a.

𝘈𝘣𝘰𝘶𝘵 𝘢𝘭𝘭 𝘰𝘧 𝘵𝘩𝘦 𝘵𝘩𝘪𝘯𝘨𝘴 𝘵𝘩𝘢𝘵 𝘐 𝘭𝘰𝘯𝘨 𝘵𝘰 𝘣𝘦𝘭𝘪𝘦𝘷𝘦

𝘈𝘣𝘰𝘶𝘵 𝘭𝘰𝘷𝘦 𝘵𝘩𝘦 𝘵𝘳𝘶𝘵𝘩 𝘢𝘯𝘥 𝘸𝘩𝘢𝘵 𝘺𝘰𝘶 𝘮𝘦𝘢𝘯 𝘵𝘰 𝘮𝘦

𝘈𝘯𝘥 𝘵𝘩𝘦 𝘵𝘳𝘶𝘵𝘩 𝘪𝘴, 𝘣𝘢𝘣𝘺 𝘺𝘰𝘶'𝘳𝘦 𝘢𝘭𝘭 𝘵𝘩𝘢𝘵 𝘐 𝘯𝘦𝘦𝘥

A hla thunawnah chuan a hmangaihi chu hlim tak leh nuam taka siam a duhzia a rawn auchhuahpui a. Bed of roses, bed of nails tih te chu thiam takin metaphor in a rawn hmang a. 

𝘐 𝘸𝘢𝘯𝘯𝘢 𝘭𝘢𝘺 𝘺𝘰𝘶 𝘥𝘰𝘸𝘯 𝘪𝘯 𝘢 𝘣𝘦𝘥 𝘰𝘧 𝘳𝘰𝘴𝘦𝘴

𝘍𝘰𝘳 𝘵𝘰𝘯𝘪𝘨𝘩𝘵 𝘐 𝘴𝘭𝘦𝘦𝘱 𝘰𝘯 𝘢 𝘣𝘦𝘥 𝘰𝘧 𝘯𝘢𝘪𝘭𝘴

𝘖𝘩, 𝘐 𝘸𝘢𝘯𝘯𝘢 𝘣𝘦 𝘫𝘶𝘴𝘵 𝘢𝘴 𝘤𝘭𝘰𝘴𝘦 𝘢𝘴 𝘵𝘩𝘦 𝘏𝘰𝘭𝘺 𝘎𝘩𝘰𝘴𝘵 𝘪𝘴

𝘈𝘯𝘥 𝘭𝘢𝘺 𝘺𝘰𝘶 𝘥𝘰𝘸𝘯 𝘰𝘯 𝘢 𝘣𝘦𝘥 𝘰𝘧 𝘳𝘰𝘴𝘦𝘴

Khuma a Duati nena an zal dun ṭum chuan khawvela khum nuam berah a chang ṭhin a. Mahse, a Duati tel loa a zal ṭum chuan, perek chunga mu ang maia mutna khum hrehawm a nihzia te sawi zelin. Thlarau thianghlim pawlna thuk tak mi’n an neih a, thlarau thianghlim nena an lendun ṭhin ang maiin, a Duati nen chuan awmdun a chak a, a kiangah a Duati chu zal se, eng dang a ngai lo tur.

Lal Bon Jovi-a hi a hringnun tak takah pawh mi lar zinga entawn tlak, hmangaihna kawnga rinawm lo leh lepchiah a ni lo hi a fakawmna tak pawh a ni ṭhin. Mi lar tam tak nun duhdah leh heheu ang hi a nei ve lem lo niin a lang, ruihtheihthil lam thlengin, mi dang angin thuk takin a buai ve ngai lem lo a ni. Hmangaihna kawng pawh hi a la lap vak lo tih chu a chiang viau awm e. 

Khang an lar vanglai hun chhoh khan, hmun hran hranah zaia an zinkual a ngai fo a. Chungah chuan a hmangaihi hruai ve reng lah a rem hek lo a. Mahse, a hmangaihi ngai chuan a kur ve fo tih a chiang si. An concert zo an haw hun a lo thlen te chuan, hlim taka an khua thlen hlan a nghakhlel hle ṭhin a. Chungte chu a hlaah tilang zelin, mual hla kar dana an awm lai pawh chuan, a Dii biak nan chuan telephone vawi tam tak a hmang ṭhin a. Vawi hnih khat biakah chuan pawisa tam tham chawi lo mahse, a biak zin em avang chuan pawisa tam tak a sen ṭhinzia te chu a tarlang bawk a (mobile phone chhuah hma, PCO era a nih kha). 

𝘞𝘦𝘭𝘭 𝘐'𝘮 𝘴𝘰 𝘧𝘢𝘳 𝘢𝘸𝘢𝘺

𝘚𝘵𝘦𝘱 𝘵𝘩𝘢𝘵 𝘐 𝘵𝘢𝘬𝘦𝘴 𝘰𝘯 𝘮𝘺 𝘸𝘢𝘺 𝘩𝘰𝘮𝘦

𝘈 𝘬𝘪𝘯𝘨'𝘴 𝘳𝘢𝘯𝘴𝘰𝘮 𝘪𝘯 𝘥𝘪𝘮𝘦𝘴 𝘐 𝘨𝘪𝘷𝘦 𝘦𝘢𝘤𝘩 𝘯𝘪𝘨𝘩𝘵

𝘛𝘰 𝘴𝘦𝘦 𝘵𝘩𝘳𝘰𝘶𝘨𝘩 𝘵𝘩𝘪𝘴 𝘱𝘢𝘺𝘱𝘩𝘰𝘯𝘦

A Dii tawn hun tur chu a nghakhlelin a ngaihtuah reng ṭhin a. Hun tam tak a liam hnu chuan harsa takin, a Dii khawhar taka awm chu a hmu ve leh thei ta a. An han awm dun chuan an famkim lohna zawng zawng te inhriat sak mahse hmangaihna chauh chu an thupui ber a nih miau avangin, inhrethiam tawnin, duhtakin an inpawm tawn ṭhin a ni.

𝘚𝘵𝘪𝘭𝘭 𝘐 𝘳𝘶𝘯 𝘰𝘶𝘵 𝘰𝘧 𝘵𝘪𝘮𝘦

𝘖𝘳 𝘪𝘵'𝘴 𝘩𝘢𝘳𝘥 𝘵𝘰 𝘨𝘦𝘵 𝘵𝘩𝘳𝘰𝘶𝘨𝘩

'𝘛𝘪𝘭' 𝘵𝘩𝘦 𝘣𝘪𝘳𝘥 𝘰𝘯 𝘵𝘩𝘦 𝘸𝘪𝘳𝘦 𝘧𝘭𝘪𝘦𝘴 𝘮𝘦 𝘣𝘢𝘤𝘬 𝘵𝘰 𝘺𝘰𝘶

𝘐'𝘭𝘭 𝘫𝘶𝘴𝘵 𝘤𝘭𝘰𝘴𝘦 𝘮𝘺 𝘦𝘺𝘦𝘴 𝘢𝘯𝘥 𝘸𝘩𝘪𝘴𝘱𝘦𝘳

𝘉𝘢𝘣𝘺 𝘣𝘭𝘪𝘯𝘥 𝘭𝘰𝘷𝘦 𝘪𝘴 𝘵𝘳𝘶𝘦

 A hla chang tawp ber hma chiaha, bridge rawn sak hi a awmzia phawh chhuah a har hle a. Sap hoah pawh a ngiala ngana (literal meaning) letchhuak tur chuan buai fe fe an lo awm ve nawk mai a. He lai chang awmzia ni bera lang chu. An zu inna hmunah khan, Bar nghaktu sam lem vuah, itawm loh zet khan a lo melh tai fiam deuh a nih hmel a. A mitmeng aṭanga sawmna a hmuh chu a pawm thu, a mitin a lo lan tir ve a ni mahna. Mahse, chungte chu thu tak ni lovin fiamthu a nih maizia leh a nuihpui nasat thu a rawn tarlang mai mai a nih hmel. 

𝘞𝘦𝘭𝘭, 𝘵𝘩𝘪𝘴 𝘩𝘰𝘵𝘦𝘭 𝘣𝘢𝘳'𝘴 𝘩𝘢𝘯𝘨𝘰𝘷𝘦𝘳 𝘸𝘩𝘪𝘴𝘬𝘦𝘺'𝘴 𝘨𝘰𝘯𝘦 𝘥𝘳𝘺

𝘛𝘩𝘦 𝘣𝘢𝘳𝘬𝘦𝘦𝘱𝘦𝘳'𝘴 𝘸𝘪𝘨'𝘴 𝘤𝘳𝘰𝘰𝘬𝘦𝘥

𝘈𝘯𝘥 𝘴𝘩𝘦'𝘴 𝘨𝘪𝘷𝘪𝘯𝘨 𝘮𝘦 𝘵𝘩𝘦 𝘦𝘺𝘦

𝘐 𝘮𝘪𝘨𝘩𝘵 𝘩𝘢𝘷𝘦 𝘴𝘢𝘪𝘥 𝘺𝘦𝘢𝘩

𝘉𝘶𝘵 𝘐 𝘭𝘢𝘶𝘨𝘩𝘦𝘥 𝘴𝘰 𝘩𝘢𝘳𝘥 𝘐 𝘵𝘩𝘪𝘯𝘬 𝘐 𝘥𝘪𝘦𝘥, 𝘰𝘰𝘩 𝘺𝘦𝘢𝘩

Sap ho zaia eizawng, sumdawngte chu, inremna company lamte nen an siam ṭhin tih kan hria ang a. Recording company bik te pawh an nei fur ṭhin a nih hi. Hetiang ang hian Bon Jovi te pawh khan Company lam inremsiampui an nei a. Anni chuan an hun hman dan tur tam tak rem ruatsakin, an chungah thu an nei em em fo a. 

Recording company chu metaphor-in ‘my mistress’ tiin a rawn dah chhuak a. A Dii a ngaihtuaha a vei em em laite khan, an hun hman dan tur duanga siamtu company te chuan, “chu tah khatah concert a ngai e” tiin an rawn hrilh leh mai ṭhin si a. Thupek zawm ngei ngei ngai ang a nih si avangin, mahni thu ang pawha an awm theih lohziate a rawn tarlang a ni ber awm e. Inremna an siam tawh avangin, an phur vak lo ṭum pawn mi hmaah zai te chu a ngai fo dawn si.

 

𝘕𝘰𝘸 𝘢𝘴 𝘺𝘰𝘶 𝘤𝘭𝘰𝘴𝘦 𝘺𝘰𝘶𝘳 𝘦𝘺𝘦𝘴

𝘒𝘯𝘰𝘸 𝘐'𝘭𝘭 𝘣𝘦 𝘵𝘩𝘪𝘯𝘬𝘪𝘯𝘨 𝘢𝘣𝘰𝘶𝘵 𝘺𝘰𝘶

𝘞𝘩𝘪𝘭𝘦 𝘮𝘺 𝘮𝘪𝘴𝘵𝘳𝘦𝘴𝘴 𝘴𝘩𝘦 𝘤𝘢𝘭𝘭𝘴 𝘮𝘦

𝘛𝘰 𝘴𝘵𝘢𝘯𝘥 𝘪𝘯 𝘩𝘦𝘳 𝘴𝘱𝘰𝘵𝘭𝘪𝘨𝘩𝘵 𝘢𝘨𝘢𝘪𝘯

Chung anga a mimal harsat awm ṭhin te chu a sawi lai mekin. “Zanin chu ka mal dawn lo. Mipui min lo entu tam tak an awm dawn a. Mahse, mipui tam tak hmaah ding mah ila, ka riang dawn lo ka tihna a ni chuang lo. I tel lo chuan mipui sing chuang hmaah pawh ka mal em em ṭhin a nih hi” tiin a hmangaihi tel loa a famkim lohzia a tarlang a. A Dii a hmangaihzia chu a finfiahna tur a neih loh thu sawi mah se a hmangaihi tan erawh a nun a hlan ngam thu te leh a Diin a nun pumpui a luahzia chu a chang tawp berah uar takin a sawi ta a ni. 

𝘛𝘰𝘯𝘪𝘨𝘩𝘵 𝘐 𝘸𝘰𝘯'𝘵 𝘣𝘦 𝘢𝘭𝘰𝘯𝘦

𝘉𝘶𝘵 𝘺𝘰𝘶 𝘬𝘯𝘰𝘸 𝘵𝘩𝘢𝘵 𝘥𝘰𝘯'𝘵 𝘮𝘦𝘢𝘯 𝘐'𝘮 𝘯𝘰𝘵 𝘭𝘰𝘯𝘦𝘭𝘺

𝘐'𝘷𝘦 𝘨𝘰𝘵 𝘯𝘰𝘵𝘩𝘪𝘯𝘨 𝘵𝘰 𝘱𝘳𝘰𝘷𝘦

𝘍𝘰𝘳 𝘪𝘵'𝘴 𝘺𝘰𝘶 𝘵𝘩𝘢𝘵 𝘐'𝘥 𝘥𝘪𝘦 𝘵𝘰 𝘥𝘦𝘧𝘦𝘯𝘥

 Zah fakah lu em a chum bik nang tiin, Sap hla ṭha leh nalh tak tak te hi ziaka dah chhuah, ka hriatthiam ve dan han puahpui hi ka chak fo a. Mahse, han tih tak tak dawn hian, rin ai hian a lo khirh ṭalh zel mai si a. A ziah dan kalhmang tur thleng hian thiam a har viau a. A sawia sawi mai china duh tawk hi chu a famkim tlat ṭhin si lo a. Thiam zawk leh hre zawk te pawh tam tak an awm ang. Mahse, an ziak si loh chuan awmzia hi a nei ṭhin si lo a. 

Tin, sap hla hi, Mizo hla anga han chinleh hi a awl ṭhin mawlh si lo. Technical lama an lo sanzia te hi zir zel tham a ni. Eng pawh nise, Jon Bon Jovi hi chu a hringnun mawi leh duhawm lutuk avang hian Rock Star zinga loh theih loha vawiin thlenga la zai thei zingah chuan ngaihsan loh luih hi a har ve teh a nia. Hmeichhia leh ruihtheihthil avanga harsatna, a bialnu laka a tawh tam turzia te kha han ngaihtuahpui phei chuan, pa ropui tak chu a lo ni ve chiang a lawm.

𝚃𝚞𝚗 𝚊𝚗𝚐 𝚔𝚑𝚞𝚊 (𝚝𝚑𝚕𝚊𝚜𝚒𝚔𝚊 𝚕𝚊𝚒 𝚔𝚑𝚊𝚠𝚌𝚑𝚑𝚒𝚊) 𝚑𝚒𝚊𝚗 𝚑𝚖𝚊𝚗 𝚊𝚝𝚊𝚗𝚐𝚒𝚗, 𝚕𝚞𝚗𝚐𝚕𝚎𝚗 𝚑𝚒 𝚊 𝚔𝚊𝚒 𝚝𝚑𝚘 𝚣𝚒𝚊𝚑 𝚊, 𝚊𝚝 𝚔𝚊𝚗 𝚑𝚊𝚗 𝚜𝚘 𝚕𝚎𝚑 𝚝𝚊 𝚌𝚑𝚞 𝚊 𝚗𝚒𝚊.

𝕽𝖔𝖍𝖒𝖎𝖓𝖌𝖆 𝕽𝖆𝖑𝖙𝖊

𝟏𝟑.𝟏𝟏.𝟐𝟎𝟐𝟏