πππππ ππππππππ π πππππ πππππππ ππ πππ π, ππππππππ ππ πππ ππ!
(Sawrkar phalna thlap, SEBI kaltlanga Chiahpuam leh Khehpuamna dik hi zirlai, αΉhalaite chuan luhchilh a va αΉha em)
- ππ¨π‘π¦π’π§π π πππ₯ππ
Tun laia ka rilrua luahtu ber leh min kaptu ber chu! Kan ramah hian sawrkar hna avangin a har em em tih hi mi pangngai chin chuan kan hre vek ang. Chutih laiin, sawrkar hna hi security atana hna αΉha leh duhawm ber erawh a la ni a. Mahse, mi zawng zawngin kan thawk thei dawn lo tih hre vek mah ila, αΉhalai, zirlai ni mek tam zawkten lehkha kan zir chhan hi, sawrkar hna zawn leh thawh nan hian a tam zawk chu a la tih theih ngei ang. Hlawh neih nan, sum lakluh nan hna kan thawk αΉhin a, eng hna pawh kan thawh chhan chu sum a ni ti ila, a sual lo ang. Mihring kan pung ve zel a, inelna a sang zel bawk si a. Kan degree neih te hi, tam tak chuan kan rularaw neih mai mai mek a nih maw. B.A, M.A P.hd degree nei hna hmu lo hi kan tam a nia aw…
Sum leh pai lama hriatna (financial literacy) zau zawk neih hi, Mizo te chauh ni lo, India ram pumpui ang pawha thlirin kan la hniam hle a. India ramah hian mihring Tluklehdingawn 1.36 kan awm a. Heng zingah hian, mi maktaduai 15-20 (3% vel, India mipui zat aαΉangin) vel chauhin Stock exchange kal tlanga stock trading ti αΉhin an awm. A dang zawng chuan he lam hi kan ngaihven lo hle a nih hi.
China khi India aiin mihring tam mah se he lamah hian an hawiharh viau mai a. An population atangin 13% velin Stock market-ah ring an rawlh a. US ah phei chuan an ram mipui pumpui aαΉanga 55% velin Stock exchange an hman αΉangkai mek a ni.
He lamah hian thiamna bik degree leh tawnhriat tam tak nei lo mah ila, mi nawlpui ten kan hriatthiam dan turin, Stock Exchange-a Stock trading chungchang leh kalhmang hi a tlangpui ngawr ngawr chauh insawifiah dawn teh ang. He lama thiamna leh tawnhriat ngah te thu hla hmuh tur a tam si lo a. Hlawkna mi pakhat lekin a lo chhar pawn a lawmawm dawn si a.
π. πππππ ππππππππ/ππππππ πππ πππππππ πππ πππ πππ ππ?
Stock exchange/market kal dan, a awlsam zawng bera sawi dawn chuan Company share/stock a tlawm laia leia, a to huna hralh leha hlep neih a ni. Chu chu an hlawkna leh pawisa peipunna ber pawh a ni a. India ramah hian Stock exchange pahnih kan nei a National Stock Exchange (NSE) leh Bombay Stock Exchange (BSE) te an ni a. He mite pahnih kaltlang hian company hrang hrangin an share/stock kha an zuar αΉhin a. He exchange-a inzuar hi, India ramah Company 7400 chuang an awm mek.
Chung company tam takte chu, he laia nitina a tel loa i awm theih loh siamtu te an ni a, an thil siam, a te ber aαΉanga a lian ber thlenga i lo lei αΉhin company te an ni.
TATA ho siam iodine chi siam i lei a, mi hausa ten TATA siam Motor car leh lian an lo lei leh a. He laia, i nitin mamawh, bank, motor zuar leh sumdawng lian i hriat phak ho hian Stock exchange-ah an stock/share hi an zuar vek a tih theih a, lei turin a awm reng a nih chu.
π. πππππ ππππππππ-π πππππ πππππππ πππππ ππππππ πππ πππ π πππππ π, π πππππ πππ?
India rama Company 7400 chuang te share man hi a inang lo vek a, Company a zir zelin an share man hi a to in a tlawm a. Rs 10 man aαΉanga Rs 10,000 chuang man thlengin share pakhat hi lei tur a awm awm e. A hnathawh dan leh a lo hlawk theih dan chu.
Entirnan: TATA Motors ho hian motor hrang hrang an siam chhuak a, tuialhthei vang zelte leh khawvel lum zel te thlir ranin, kum 5 hnu lamah chuan Electric Car rawn siam chhuah an tum a. Chumi atan chuan Project leh sum pawh lian tham tak dah an nei a.
Tichuan, TATA Motora share pakhat man chu tunah hian Rs 200 chuang a ni ta a. Pakhat chauh lei hi chuan chuti teh luain a hlawk tham lem lo a. Rs 200 man hi share 1000 lei ta la, Nuai 2 man a ni ang a (200x1000=2,00,000).
Tichuan, I thil lei chu a man a rawn sangin a rawn tla hniam fo αΉhin ang. A tlak hniam chang chuan Rs 200 man kha Rs 150 ah te a tla thei a. A man a rawn san hunah pawh Rs 200 man kha Rs 250 chuangah te a rawn chho thei a. Stock Market hi nitin, second tin hian a che reng αΉhin a. Minute khat lek chhungin Rs 150-a a tlakhniam theih ang chiahin, Rs 250-ah pawh a thlawk chho thei. A chang chuan a kara kar te, a thlaa thla te, a kuma kumte a ngai ve tho. He lai hi sawi lawk a theih loh avangin Stock market-a, profit and loss hi Risk a ni reng αΉhin a ni.
Tichuan, kar 3 hnuah Rs 200-a i share lei kha, Rs 250 ah lo chhoin, i hralh ta a
(250x1000= 2,50,000). A hmaa i leina kha han paih la, (250,000-200,000= 50,000)
Tax leh neuh neuh an cut hnuah Rs 40,000 vel chu I hlep thei ta a nih chu. Hlep ringawtin thil a kal lo tih erawh hria ila, I hlep zat hi he mi hun chhungah hian i hloh ve thei tho. Mahse, sum lu hloh vek lohna, I thil lei man a tlakhniam belh zel dawn chuan STOP LOSS hmangin, hloh chungin I share lei chu i hralh mai ang.
π. ππππππ πππ πππππ ππππππππ-ππ πππππ πππππ πππππππ π πππ πππ?
IT lamah kan changkan tak tak hma kha chuan, a chunga Stock exchange kan sawi pahnihah khian, mahni ngei kalin, va lei a ngai αΉhin a. Tunah chuan kan lo changkang ta deuh a. Mahni inlum aαΉangin kan lei thei ta vek a. Kan lei theih nan erawh, Bank-a, pawisa dah tura Account kan hawng ang hian, Broker kaltlangin Account hawn ve a ngai a. Account hawn man hi Rs 500 leh a chung lam te a ni αΉhin a. Chu chu DMAT Account an ti a. Zerodha, Upstock, Groww leh a dang dang account hawnna tur hi a awm nual. Chutah chuan pawisa kan dah lut ang a, tichuan share/stock chu in lum aαΉangin kan lei thei ta a ni. Stock Exchange te hi ThawhαΉan ni aαΉang Zirtawp ni, zing dar 9:30-3:30 an inhawng αΉhin a, Inrinni leh Chawlhni an chawl ve αΉhin.
π. πππ αΉππ πππ πππ ππ ππππππ πππ ππππ?
Sum leh pai enkawl hi thil awlsam a ni lem lo a. Hmanral a awl ai hian lakluh leh lam hi a har em em tih chu kan hre vek ang.
Rs 1000 hi Rs 1500 tala kan peipun thiam loh chuan Rs 1,00,000 hi Rs 1,50,000 in kan peipung thei chuang lo ang. Chuvangin bul αΉan tur tan chuan Rs 2000,5000,10,000 pawh a tawk em em a ni. Kan sumlu 10% a kan peipun thiam chhoh phei chuan, tawnhriat kan ngah chhoh zel hunah, sumlu pawh a tihsan ve zel ngam dawn a ni.
π. πππππ πππ ππππππππ πππ:
A thu chuan tihian awlsam takin a sawi mai theih a. A tak taka luhchilha titur chuan arkhawthim dai ngawt chu hlohna hlang a ni thei tih hriat a αΉha. Tin, sumdawnna pakhat tho a nih avangin hloh leh hlep hi a kal dun rial a, hlep tur ringawt emaw ti-a luh chilh chi a ni lo.
He lama mi hlawhtling, ni khata vaibelchhe tel hlep thei te ang emaw intih ngawt hi a hlauhawm. Anni te pawh hian a bulαΉhut aαΉanga an zir mai bakah kum 20 chuang fe Stock market-ah inchiahin tawn hriat tam tak an lo nei tawh αΉhin.
Duhamna hmachhuan a, he lama hriatna tel miah loa luhchilh chu channa hlang a ni thei. YES bank te pawh kha an lo tlachhe tawh a nih kha. Mahse, anni hi chu tawnhriat neih loh vang erawh a ni lo ang.
Stock Exchange hi India sawrkar hriatpuina thlapa, dan dik taka sum peipunna (leh hlohna) a ni a. SEBI (The Security & Exchange Board of India) chu he lama thuneitu tawp niin, anni hriatpuina vekin Stock exchange/market hi a kal a ni.
Stock trading hi vawilehkhata sum tam tak neih thutna emaw ti hi, Stock trader zingah pawh tam tak an awm a, mahse a ni mawlh si lo.
Dan dik taka sum leh pai peipun dawn chuan hun rei tak hi a mamawh ve tho a ni tih hi hriatreng a αΉha. Kum 2 khat chauh thil thlir kan la thiam a, hei hi, he lama kan inchiah dawn a nih chuan thlak a ngai. Kum 10-20 hma lam kan thlir thiam hunah phei chuan Stock exchange αΉhatna leh hlawkna hi sawi chhe phal an awm lo ang.
Chutih rualin millionare, billionare te chuan, sum a tama tam mang tara share lei nan an hman thin avangin, tluklehdingkhat pawh hloh ni nei αΉhin mah se, an hausak em avangin an sum lu a buai pha ngai lo a.
Keini ho hian, cheng 100 nei ila, cheng khat tibo la, pawi kan ti em em lo ang vel tur hi a ni. A chang chuan maktaduai sang chuang an hlep αΉum a thleng fo bawk a. Mahse, hei tak hi mi tam tak tan chuan hlepna hlang emaw an ti mai αΉhin a. A chhe lam hi an lo hmuh hmaih αΉhin avangin an dawng fo αΉhin.
Tichuan, stock trading hmanga sumdawng tur leh thiam tak ni thei tur chuan hengte hi tih ngai hmasa a awm ta a ni.
i. A AW B thiam lovin B.A a pass theih loh ang hian, a sumdawn dan kalhmang leh bulαΉhut zir miah lovin, a hlawhtlin ngawt theih loh.
ii. A bulαΉhut (basic) lam zirna hi Mizoram chhung ngeiah, Mizo αΉawng ngeia zirtir thei pawh an awm ta mek a. Google lamah khan MIZO STOCK TRADER tiin zawng ula, emaw I.G lamah pawh he hming hian zawng ula, in hmu thei ang.
iii. Kum hnih khata hlawk rum rum tum chi a ni lo. Hma thlir thui tak nei a, ruahmnana fel tak nena luhchilh chi a ni a. Kum 10-20 chin thlir thiam ngei ngei tum tur. A bulαΉhut thiamna leh tawnhriat aαΉanga hriatbelh leh thiam tur a tam tih hriatreng tur. Tawngpawng basa ngam ngawt chu hlohna hlang kengtu a ni thei. Dawhtheih leh beidawn loh pawh a pawihmawh dawn.
India rama he lama mi hlawhtling em em mai Jhunjhunwala chuan heti hian a sawi a, "ππ ππ’πͺπ£ππ ππππ£ π’π π©ππ’ π©ππ πππͺ π©ππ¬π£ππ§πππ© π£ππ π‘π€π«ππ£, π¨πͺπ’ π©ππ’ π©ππ πππ’ππππͺππ£ππ£ ππ£ π‘π€ π ππ‘ π. πΌπ£ πππ¬π£ π‘ππ π’ππͺπ πππͺππ£ π©ππ¬π£ππ§πππ© αΉππ π©ππ π£ππππ£, π¨πͺπ’ ππ§ππ¬π ππ£ ππ§π©ππ‘πͺπ ππ¬π£ π©ππ¬π π©ππͺπ£π αΉπππ£" tiin inzirna leh hriatna nei miah loha luhchilh a pawizia a sawi a ni.
π. ππππππ πππ, ππππππππ πππ π ππππππππ πππ?
Hman leh tun ngaihtuahin India economy a αΉha ve zel a. Mi nawlpui khawsak dan pawh a sang ve zel a. Chuvang chuan chhungkaw tin sum lakluh pawh hi hmanlai ai chuan a αΉha zel tih a tichiang awm e.
Zirna kawng pangngai kan zawh zo a. Hna kan han dil a, hna pakhat mi 100 telin inchuh hun hi a thleng mek a nih hi? Result a chhuaka, Mi 1 bak, mi 99 chu hna nei lo leh awm mai mai turin kan awm zui a ngai a. Mihring hian hunawl kan neih hian a tangkai zawnga hman aiin sual lam rawngbawl nan kan hmang duh viau mai bawk si.
Computer age, internet khawvelah kan cheng mek a. αΉ¬halai tam zawk hi chuan khawl thil hi a bo lo tawkin an thiam fur tawh a. Eizawnna tlaka thiam viau tur erawh chuan har deuh mahse, stock trading tih nan erawh rualpawlna tawk thiamna hi a tawk em em thung.
αΉ¬henkhat chu chhungkaw dinhmun αΉha tak atangin bul an rawn αΉan a. Sum leh pai, nuai 5-10 vela buai lo tur chhungkua hi tam tak an awm ngei ang. Eng hna pawh thawk ila, kan thawh chhan chu sum lakluh nan a ni fo si a.
Sum hi a awm mai mai hian a hlutna a tlem αΉhin. A chet hian a hlutna a zual αΉhin. Stock marketa i sum i invest hian, I muthilh hlan pawn i pawisa khan hna a lo thawk reng thei a ni. Bank-a dah hi a αΉhat tho rualin, inflation rate-in interst a awm ngai lo hi a hlawk tawk lohna a ni αΉhin a. Risk zero nimahse, Stock exchange nena khaikhin chuan a pung hi a intam hleih thei hle.
Tawn hriat thuk tak ka nei lem lo a, mahse he thil hi thil αΉha a nih hre tur chuan ka hmuh leh chhiar aαΉangin ka chiang ve viau tawh ka tingam a. India rama mi hausa zawng zawng phena awm a, sum an peipunna chak ber chu an thilsiam chhuah hralhna aαΉanga an hlep ai chuan Stock exchange-a an hlep hi, nikhat thil thuah a tam zawk chang a tam viau ang.
B.A, M.A, i zo a, hna I hmu mai thei loa, eng eng emaw hlawk tak tak si lo kan tikual a, hun kan paih zel a. Kan hriat loh laiin kan kum a lo tam hman a. Chu chuan rilru chakna tam tak a la bo ve a. Tin, hun rei duha sumdawnna a nih avangin luhchilh hma hi a αΉhatna pakhat a ni bawk. A bikin Commerce subject lo la αΉhin phei tan chuan advantages hi a αΉha leh zual ang.
Text book lama, Equity, Share, Market, Bad debt. Provision for doubtful debt, Profit and loss Account, Balance sheet account, Cash flow, ratio and proportion, Asset, Liability tih ang chi kan zir vak vak kha, a praticala hmanna hmun chu he Stock exchange ngei hi a ni.
Thil chu a thu ringawt hriat ai chuan a tiha tih hian hriatchian pawh a awl zawk fo. Phurna, Taimakna, dawhtheihna, nghahrei peihna, hma thlir thui tak neih tum tan, sawrkar hna zawn chhung pawn he lam luhchilh hi a pawi lo viau. Sawrkar hna thawh tum lo tan leh hmu lo tan phei phei a αΉha hle. Chhungte sum leh pai lama harsatna nei vak lo tan phei chuan, inhnim phum vat hi duhthusam a ni. Khuareiah inchhirna aia inchhir lohna siamtu a ni dawn si a. Thim leh eng a awm ang hian, he hmunah hian hloh leh hlep te, risk te a awm a ni tih erawh Luka ziak tluka chianga hriatreng fo tur.
Comments
Post a Comment