Tualvungi Sangha Khawina - Ka Tungchaw

TUALVUNG TUI THUHRUK LEH A NGHALENG KHAWINA

 

Tualvungi Sangha khawina, Tachhip (zawlpal) ram a awm chu! I la hmuh loh takin...

Pic credit - Zd Khawlhring

 

     

    Hmanlai hian tlangval hmeltha tak mai leh nula hmeltha tak mai hi an innei a. A mipa hming chu Zawlpala a ni a, a hmeichhe hming chu Tualvungi a ni a. An induh em em mai a, rei vak pawh an la innei lova, luhkapuiah hian an inhrik en a, an chutihlai chu Phuntiha, lalpa pakhat zin veivak hian a va hmu a.

    Tualvungi chu tha a ti ta viau mai a, a han zawt ta a, “Kha, I nupui nge I farnu?” a han ti a. Zawlpala chuan a chhuan aleiah, “Ka farnu anih hi,” a han ti ta a. Tah chuan Phuntiha chuan, “Anih leh, ka nei anga, a manah engzatnge i tih ang?” a ti ta a. Zawlpala chuan nei zo tak taka a rin loh avangin heti hian a ti a, “Sial, ka ban leh ka thawmmawl kima thlun tur. Thi, ka thuam ban uai tliak. Chem, ka bang kalh kima thiah tur. Puan, ka tlang ban uai tliak” a ti a. Chutiang chu tlin zova a rin loh avangin a huang lu duama sawiah a inngai a. Mahse Phuntiha chuan “Anih leh ka rawn nei ange,” a ti ta mai a.

 

Tualvungi Tui thuhruk, Tachhip ram chhung a mi, a tuihna hi a kang ngailo.

By ZD Khawlhring (fb)