Mi lungleng Damhauhva leh a tupa B.Lalthangliana _ Rohmingthanga Ralte

HLA PHAUH THIAM MI LUNGLENG

 DAMHAUHVA

Laikunga leh Thanghnuni inkarah kum 1909 khan Damhauhva hi Khawbungah a lo piang a. Tha kim loa piang a ni a, a berh hle a, hrisel lo tak a ni nghe nghe. Khawbung lal Lalbika nupui hmasa ber Lalzami chuan inti chhungkhat takin a hmingah ‘Lallianchhunga’ a sa a ni.

            Damhauhva ute pathum lai hi an thi tawh a. Ani a lo pian ve hi chuan dam khawchhuak ngei se an ti em em a. A awmtu ber Pi Tuahkhawli chuan, “A dam ka hauh ber mai” tiin, ‘Damte, Damte’ tiin a awi ṭhin a. Chuvangin ‘Damhauhva’ tiin mite’n an ko fiam ta a. a lar ta zawk a, a pu hlen ta a ni (Lalthangliana 117).

            ‘Buhbana’ tih hi a hming dang chu a ni leh a. Damhauhva nu Pi Thanghnuni hi Pu Laikunga’n a neih dawn hian Pi Thanghnuni nu leh pa chawm turin a intiam a. Mahse a chawm leh peih tak meuh loh avangin an inṭhen phah ta nghe nghe a. Chuvangin, ‘Buhbana’ tia ko fiam tawk an awm na a, a lar lo hle (117).

 

 

Pu B.Lalthangliana hi Damhauhva tupa, a farnu fa a ni. Damhauhva hi Mizo zinga hla phuah thiam em em, mi lungleng em em a ni a. 

A hlate hi a zir tlakin, a phuah dan leh phuahna hmanrua pawh ngaihnawm tham zir tur a awm a ni.

 

 

 

 

 

 

 

Zo Tungchaw