KA TUNGCHAW

MIZO LITERATURE TANA MAFAA HAUHNAR HNATHAWH Rohmingthanga Ralte Assistant Professor Dept. of Mizo, GANC                                                                                                      Thu leh hla hi mihringte ang thoin a ṭhangin, a inthlak kual ve fo a. A hunlaia chin dan tam tak chu a hun a liamin, a chuaiin, a ral ve ṭhin. Chutih rual erawh chuan hnampui ho zulzuiin, literary theory tam tak erawh chhiarkawp dana zawm ngai a awm ve mek bawk a. Hmanlai aṭanga kan thu leh hla ṭhan dan leh hawi zawng chu vawiinah chuan a danglam ta hle.   Hla hi ṭawngka inhlanchhawn nuam tak a nih avang ni maw, thu lam ai chuan hla lam chhuah hun leh upat dante hi ...

  Chawi Lukhum - Lalbuta Daifim He Mizo hmeichhe lukhum "Vakiria" tia kan koh tak mai hi a dik hlel deuhin ka hre tlat mai. Vakiria chu a part pakhat ve mai a ni a, a lukhum pumpui hming putu atan chuan tlak ka ti lo bawk a. "Chawilukhum" tiin hming tha tak a neisa reng a, a hria apiang chuan 'Chawilukhum' tiin i thlak tawh ang u hmiang. Tin, a part mal te te koh dan/hriat dan inang lo ka rawn ziak nual a, lo chikin lo chian u la, a dik zawk i sawiho ang u hmiang.

LENGTIN KHUMTU -Rohminga Ralte Mawite'n i vul zawlkhuaa'n Aidi i pai em ni lelte nunnem Ngur hrai chawi loh riang fa tan. Ṭahna min thlentu mai ni che, Hai ang tar thlengin dawn ril laiah, Ai ang i cham reng dawn si. Nang chhing zo an awm lo, Uaia chul theiin i mawi lo, Nui hiaua lengtin lem thiam Nau ang nuiin lem zel ta la Enchim loh vul zel mah la Mangṭha ka ti nang che nunnem ZO TUNGCHAW

ZAN LALNU Rohminga Ralte Chhak lenkawlan mawiten lo herchhuak Hai ang thangin zawlkhua i en Aw i mawi chuang e hringfa tan Riang naufa tan erawh tahna Hrilin thlir nin theih i chang si lo Theih nise i hliap hnuaian maw Hlim ni liam tur chelh dingin   Lawm ni nen amten cham reng se An liam zel vullai vanglai Puini kaiin lam ang let thei si lo Uaia chul mai thin leihringnun hi I zaran kumtluangin par vul se                                                                                      ZO TUNGCHAW

ZAWLKHAW DINGDI -Rohminga Ralte                                                                                                             I iangin leng zei tin zawngte'n, Chen an chak vanglai vullai Uangpui chang lo la, lalte Lengtin chhing mahtu ni la Lawmin che la i vul ni te, O! I anka sakruang tawng lo te, Ngaih lungrun an van a duai En ning thei lotu che lawm khua a sei. Nuimawi vahkhuai iangin lawr la partin Uaia chul thei i ni si lo Iang la chung chawngmawipuii Mawite'n eng la vanzawl zauah Aw! I di Hrangchhuan nen maw In mawi mang e thangvan ZO TUNGCHAW

Nghatebaka Lungphun Hmanlai Nghatebak a hun laia SIALHMUR antih kha tuna TLANGPUI hi ni a. Pasaltha Nghatebaka Lungphun pawh a awm a ni.

Mr. Ratan Tata-a Kamchhuak; A Eng Zawnga Thlirna (A thusawi a fiah leh zual nana thu belh hlek hlek) “Sum leh pai vir vel dan zirchiangtu mi thiam kan tih te chuan Corona vang hian ram sum leh pai dinhmun chu tlusawpin, mi tam tak chhuanchhamin kan awm thei a ni” an ti a. Mahse, heng mi thiam te thiamna leh thlir dan hi eng anga dik chiah nge kei chuan ka hre lo. Mahse, ka hriatchian thung em em chu “heng mithiam kan tih te hian mihringte hi infuih phur thei leh tumruhna nen huaisen taka hma lam harsatna tuktlawm thei kan ni" tih hi a ṭhen pawh an hre bik lo kha luikam aṭang khan. Mi thiam te thusawi hi ring bur dawn ta ila, Indopui pahnihna a zawh meuh kha chuan Japan ho chu rethei bakberh tak leh a ram mipui tam zawk chu meialh en mai an ni a. Mahse maw, khawvelin rethei em ema a hriat Japan, kha Japan mite ngei kha, chhuan thum an liam leh meuh chuan an mahni bomb-a tluksawp tirtu US chu khawvel insumdawn tawnna lamah chuan an vel leh thei der tawh chu a nih si ...

ZALENNA FAMKIM Rohmingthanga Ralte Asst.Professor   Literature hi chu a thiangzau helh helh teh a nia aw. Siamkima’n ‘Zalenna Ram’ a tia, Mafaa’n ‘Chawlhna Tuikam’ a lo ti then bawk a. He Zalenna Ram leh Chawlhna Tuikamah hian i sulhnu hriatreng hlawhna tur a awm a; I ṭobul aiin a pawimawh zawk. He ramah hian grammar nena i zin chuan, sel leh phunna tur kawi tinah i hmu thung ang.   Mahse, chu hmuna lengte chuan grammar rama mite chu an ngai ve ngai si lo. Dikna, famkim sa aiin lunglenna leh mawina hmanga dika pawm theihna chu he ram ze danglamna leh a hlutna chu a ni thung si. Khai mah aw:   Lallianmawia Pachuau ten ‘Dawt leng an sel’ an ti ringawt maite hi ṭawng lama mi kherkhiapte tan chuan sawi zui hrep aia sawi zui loh law law chakawm a ni zawk ang. Mahse, an pal hnawk lui tlat hian zalenna ram leh chawlhna ram nawm dan a tifiah em em thung si a. K. Hminga hla ṭhenkhatte hi han enzui mai mai teh ang:   “Awm lo ta la, ka hlimna a chuai ang a...

VAIRENGTE … HMANA KAN KHUA-2   Rohmingthanga Ralte Asst. Professor, GANC ( Inkhungte hi kan ning tlang viau tawh a ni mai thei mahse, a duty zawkte pawn an nin thu an la sawi loh hi a…!)   Vairengte lam kha han sawi zawm leh teh ang. Champhai aṭanga pa te hna avanga kan awm thlakna a ni a. Kan pem thlak kawng ka la hriatreng chu Champhai bul tuipui leiah khian TMB ve ve kha, lei zawh hmasak an inchuh a. An intawklawi! An inhau!   Khang lai kum kha, Lallianmawia Pachuau Album ''Jenny a tel ve lo'' lar vang lai kha a ni a. Vairengteah khan danglam deuh khan an sa thin a:   ''Matei birthday lawmnaah Jenny a tel ve lo'' tih kha duhtawk mai lovin... ''la aw...'' tiin uang deuhin an sak zawm ṭhin a. Ka huain, ka ngei thei hle.   😊   Vairengteah khan hla ṭhing deuh sak uar deuh kan neih chu:   ''Ka nu Bilkhawthlira pasal i neih chuan, Mawngkaw pawhzih mi rawn hawn ang che''. Vairengte kan chhuahsan hnui...