Mitdel Hla phuahthiam Suakliana thlan
- Ka Tungchaw
Kum 1901 khan Maite khuaah a lo piang a. Naupang te a nih laiin an ram kalnaah chesualin a mit veilam chu a del a. Hun harsa tak tak a paltlang a. A lo tlangval chho va, kum 1925 khan nupui atan Suakzawni neiin, a hnu kum hnihah Kanghmun Melvengah an pem a.
Heta an awm lai hian mitna hri chu lengin, a mit dinglam chu hri avang chuan a na leh ta vak mai a, a mit khing hnih chuan a lo fiahlo ta a ni. Kum - 1979, July Ni - 3 zing khawvar hma khan a lo pan ta a ni...
“Kan
hun tawn zingah khawkhawm a pawi ber mai” tih hla phuahtu Suakliana hi
mitdel anga hriat lar a ni. Kum 1901-ah piangin, kum 1979-ah a thi.
Mitdel hla phuahthiam anga hriat ni mahse, “Mitdel khaw hmu miah lo tak
tak chu a ni lo na a, mit ṭha lo leh khaw hmuh fiah lo a ni a, a mit
veilam phei chuan khaw eng a hmu thei lo a ni” (Zinkawng Rapthlak
Zawhtute 105).
Mizoram buai kha kum 1966, march ni 1-ah a inṭana. Zalenna sualtute kha
mipui an lamah an ṭan tlat avangin vai sipai chuan an duh angin chet an
la thei lo fo. Tichuan, an chet vel awlsam nan leh zalenna sualtute
zalen taka an tala, chet vel theih loh nan ‘Khawkhawm’ a sap ṭawnga ‘Protected and Progressive Village’ an tih chu an kal pui ta a. Chu chuan mipuiah harsatna leh hreawm tam tak a siam phah ta.
Khaw sawikhawm hi, “Chhawng thum emaw, a thawh thum emawa zawh tura
ruahman a ni a.” A hmasa berin kum 1967 January aṭanga kum 1968 November
a huam thleng a, a ṭum hnihna 1968 December-ah ṭanin 1970 November
thleng a awh (Zofate Zinkawng 518).
Suakliana te khua Lianpui pawh chu Vanzau-ah khawm a ni a. An khua chu a
thawhkhatna chuan khawm ve a ni tih a lang. “He hla lungchhia hi
Lianpui aṭanga Vanzau khuaa J.Vanzika nu, Chawngṭhuami’n a ngen angin
September ni 24, 1968-a a phuah a ni” (Rambuai Literature 54).
A kutchhuak Kristian Hla-Bu a sengluh te:
1.KHB 77- AW, tunah chanchin mak tak chu
2.KHB 78- Aw Chhandamtu, sual leh buaina karah hianin
3.KHB 116- Hosana ti zelin aw, Haleluia! Amen
4.KHB 144- He khawvel damlai thlaler chhumpui zing hnuaiah hian
5.KHB 148- Aw, hmangaihna ka sawi thim lo nâ ka ngawi thei lo
6.KHB 164- Hming dang zawng zawng aiin a mawi ber Lal Isu-a
7.KHB 194- Jerusalem Zion khawpui chu thlir teh u
8.KHB 453- Kan nghak reng che kan Lalber leh
9.KHB 522- Van chung sang taka Lal Isu te an ni a.
ZO TUNGCHAW
Comments
Post a Comment