LAICHHUAT AN CHHIR
- C.Lalṭhazuala
Mizo lengzem hla chhuaktawh zingah chuan laichhuat an chhir tih hla hi a chord kalphung ṭha ber zinga mi a ni ngei ang.
Em chord aṭanga bul ṭanin Am-ah a ṭum chhova. Am aṭangin F-ah, F aṭangin G ah, A vawikhat kualna chu a zo ta phawt a thunawni chu C-ah insep chho lehin a thunawn sak zawh aṭangin a foundation chord Am-ah bawk bul a ṭan leh zel a ni.
He hla hi hlathluk tho vek vawk, han ngaihthlaka chawp leh chilh a a ngaithlatute rilru tiphur thuta titho thut thei hla a ni ber maia. A sak pawh a nuam hle.
Zorimawi kalphunga leikapui thluk an tih mai, hlathluk kalphung awlsam leh chord progression awm hran lemlo, mizo hlathluk nibik riaua mi ṭhenkhatin an sawi ṭhin, mahse mizo hlathluk nibik miah silo mahse hlathluk awlsam leh hmasawnna awm chuang silo style Leikapui thluk style ang chi hi he hla "Laichhuat an chhir" hlathluk kalphung hi chu a nive lo a ni.
He hlaphuahtu Pu Lalthanzuala hnamte hi a hun hmasa lamah chuan Ainawn chanchinbu enkawltu leh neitu a ni a.Mizo zaithiamte chhertu leh an tana inphochhuahna dawhsan siamsaktu ropui a ni ṭhin a ni. Ainawn chanchinbu bultumin ṭum thum " AINAWN PICK YOUR POPS AWARD" A buatsaih hman a.Ainawn pick your pop awards semna programme hmasa ber chu Zodin cinema hallah buatsaih niin , A ṭum hnihna chu Aizawl lammualah buatsaih a ni a.A ṭumthumna chu Vanapa hall sakthar hlimah a ni thung.
Pu Lalthanzuala hnamte hian hla a phuah nuala. Enchimloh vulmawite tih hla, a hun laia Peter C Lalrinmawia hla lar berte zinga mi leh Tuar a har ngei e tih hlate(tuar a har ngei e tih hla hi Guitarist Pa Chhuana'n a thluk leh, Changkhat leh a thunawn a phuah a,Pu Zuala'n a chang hnihna leh chang thumna a phuah belh a ni. Co-writing ang a nih chu)chu a lar zualte a ni awm e. Peter C Lalrinmawia'n a hlaphuahte hi a sa nasa hle a ni.
Heti taka hlathluk kalphung ṭha leh kalphung changkang Laichhuat an chhir tih hla phuahtu Pu Lalthanzual hnamte hi sipai fa a nia..a.Pa chu VL Nghaka niin Madhya pradesh infantry weapon instructor a ni a..Madhya pradesh a Mhow khua a an awmlaiin Lalthanzuala hnamte hi a piang a ni.
Pu Lalthanzuala pa hi Lungdai khawchhuak a ni a.Mizoram buai ṭantirh 1966 kum khan Lungdai aṭangin Aizawlah rawn pem thlain Aizawlah an inbengbel ta a ni.
Pu Lalthanzuala hnamte hian rimawi lam tui em em tur leh hlate hial phuah tur a naupan lai aṭanga a rilru suk saktu nia a sawi ṭhin chu a ni fapa-RL Rinawma IRS( Income tak aṭanga chief commissioner a penson, tuna mission vengthlanga inbengbel ta)hi niin a sawi.
Laichhuat an chhir tih hla chord inrem dan hi musician a bik takin Ṭingṭang perhthiamte tan concertnaah a ni emaw, recording studioah a ni emaw, ngaidan chawp leh chilha neih a guitar in show-na tur leh han zut kual velna(improvise) na tur a tamin a chord kalphungah hian a remchang em ema .chutiang vel atan chuan hlathluk kalphung ṭha leh hla chord kalphung ṭha takna ni a.ṭha ngawih ngawih a ni ber mai.
Pu RL Rina(IRS) hi high sikul a kal laiin Pu Lalthanzuala hnamte te inah a awm ṭhina.Pu Zualate hian an unau zinga upa ber ang maiin an en ṭhin a. Pu RL Rina hian khawvel Radio programme hrang hrang, a bik takin western music programme hi a ngaithla kual nasa thei hle a niawm e.BBC, VOA, Radio Australia-melbourn, Radio Rangoon, Radio Srilanka, Radio Jakarta te ngaithlain amah ngei chuan hlate pawh a zuk thlang ve ṭhin niin Pu Zuala hian a sawi a ni. Pu Zuala hi.A U RL Rina kaihhruai bik a nih avangin a u tuizawng chu a rawn tuipui chhove ta niin a lang a ni.
Pu Lalthanzuala hnamte chuan he hla " Laichhuat an chhir" tih hla a phuah chhan hetiang hian a sawi.
" Nikhat chu zaithiam lar tak tak- Peter C Lalrinmawia, Sailothangi sailo, RTC Lalduhawmi, K Lalhmangaihi te chu Chutih laia ka chenna In, Sharon venga Haubuangi buildingah chuan an lo lenga. Sitting room sir Almira chhunga cassate te chu ka tape recorderah chuan an play kual vela. ABBA hla leh Olivia Newton John te chu an ngaithla a, Chhuatlaiah chuan a su nghawng nghawng maia..ka rilruah chuan mizo hla ngei lampui theih, hlathluk tho ṭha deuh, phuah a ngai a ni tih chu ka rilruah a rawn lian ta hle maia.he hla hi ka phuahchhuak ta a ni a ti.
Laichhuat an chhir tih hla hi Zothankimi(Pu P-a,.tribal, power nupui) chuan mipui hmaah a sa chhuak hmasaber niin Pu Zuala hian a sawi a ni.
Peter C Lalrinmawia hian all india Radio Aizawlah recordin a sa lar ta hle maia. Radio a a lar hnuah Peter C Lalrinmawia hian a audio album tichhuah chu Laichhuat an chhir hming put tirin ram dung leh vangah lar taktein a lo lar chho ta a. Tun thlengin a lo larchho ta zela.Zaithiam hrang hrang he hla save pawh an tam chho ta hle a ni.
ZO TUNGCHAW
Comments
Post a Comment