JAWL ANTE JAI JAMUNA HO - C.Lalnunchanga

JAWL ANTE JAI JAMUNA HO

C.Lalnunchanga

 

Kolasib tlangdung kawngpui, motor kal theih tura an laih tan chu Indopui Pahnihna, Japan nawr lêt tura British-in Mizoram fûkthlênga an hman lai a ni a. Sawrkar chuan Dwarband atanga Aizawl thleng kawng lai tlang turin I.T.S (Indian Tea Association) hnênah contract a pe a. Kum 1941 January thlaah Assamese leh Bengali hnathawktu mi 3000 (sangthum) chu Mizoramah an lo chhuak a, kawngpui laih chu an tan a.  Hêng hnathawktu zingah hian Mizo pakhat mah an tel ve lo. Lungpui hâl darh leh lei dawhah sipaiin an tanpui a. Kum 1944 Januray thlaah an lai zo.

An kawng laihah chuan rawra an phah a, a chhut muk leh tihmam nân thingtuai malpui tiat vêlin an suih zuih a, a hmawr zuih lamah chuan an vuan a, kawnga rawra chu an sawh rual thup thup a. An chhut rual theih nân an hmaah mi pakhatin hla a la a, an hnathawh pahin Labour-ho chu an zai rual dual dual a. Hla hruaitu chu a lâm zak zak mai bawk a. An hla sak chu ‘JAWL ANTE JAI JAMUNA HO’ tih a ni a, Durtlang khua Subedar Lalhmingliana chuan Mizo tawngin heti hian a letling a:

‘Tui a rawn chawi tuipui dum Jamuna atangin,

 Oh! Thiana ho ho ho;

 Tui a rawn chawi tuipui dum Jamuna atangin,

 A thaberi thaberi thaberi,

 Nang tel lo chuan ka hmangaihte;

 Ka rilruin a hre reng che,

 A thaberi thaberi thaberi.’

(He hla hi hre phâk kan awm em aw? Ka lung zuk tileng riau va!)

ZO TUNGCHAW