𝐁𝐎𝐇𝐄𝐌𝐈𝐀𝐍 𝐑𝐇𝐀𝐏𝐒𝐎𝐃𝐘 𝐀Ṭ𝐀𝐍𝐆𝐀 𝐅𝐑𝐄𝐃𝐃𝐈𝐄 𝐇𝐑𝐈𝐍𝐆𝐍𝐔𝐍 𝐇𝐋𝐈𝐌 𝐓𝐇𝐋𝐀 - Rohminga Ralte

 

𝐁𝐎𝐇𝐄𝐌𝐈𝐀𝐍 𝐑𝐇𝐀𝐏𝐒𝐎𝐃𝐘 𝐀Ṭ𝐀𝐍𝐆𝐀 𝐅𝐑𝐄𝐃𝐃𝐈𝐄 𝐇𝐑𝐈𝐍𝐆𝐍𝐔𝐍 𝐇𝐋𝐈𝐌 𝐓𝐇𝐋𝐀

- Rohminga Ralte

Bohemian Rhapsody, ‘Bo Rhap’ tia an sawi mai ṭhin hi, Queen zaipu (khawvela zai thiam ka tih ber) phuah a ni a. A hla phena thil inphumru hi thlirna leh rin dan sawi pawh a tam hle. Thumal ṭhenkhat, ‘Bismillah’ tih te hi, Quran a chuang, “Allah hmingin” tihna niin, "Scaramouch" tih chu mi pakhat character, uang thei deuh mah se dawizep deuh si sawina niin, "Beelzebub" tih chu Setana sawina a ni mai awm e.

Freddie-a nu leh pate kha, Zoroastrianism sakhaw zui leh vuantu an ni. Zanzibar-ah chhungkaw bul an ṭan a. Mahse, kum 1964-a, an ram sawrkar buaina avangin England lamah an pem a. A hla thu ṭhenkhatte hian, an pemsan tak khua chu a thailang ta tho nia sawi a ni.

An guitarst Brian May-a an interview ṭuma, Freddie-a chungchang a sawi dan chu, “Freddie zia kha hriat thiam har deuh mai a ni a, pawn lamah chuan mi ngaihsam leh fiamthu duh tak a ni a; mahse, a chhung lamah chuan inthuhruk chin nei, a naupan laia a harsatna tawhin mi inkawltawih takah a siam thung a. A hla thu hi a sawi fiah ngai lo a; mahse, a hlaah hian thui takin amah chu a lang si a”

Sawi dan dang lehah chuan, Freddie-a naupan lai thil ni lovin, amaha mipat hmeichhiatna lam a ni. Amah kha bisexuality (nei kawp) anga hriat ṭhin a nih hnuah, Mary Austin nen an inngaizawng a; mahse, an inṭhenzui leh ta bawk si.

A hla hian awmzia eng emaw tak zawng a nei a, mahse kan hre mai ngai dawn si lo. Amah ngei pawh khan a sawi chhuak duh miau si lo; tin a band member te lahin a awmzia tak hi an phawrh duh bik si lo. A sawi chhunah pawh, “Hla pakhat, duhthusam sawi chhuahna mai mai a ni. Mi ten lo ngaithla se, ngaihtuah se, chuta ṭang chuan an rilruaa, hlain awmzia a neih dan ang ang chu a ni mai” tiin a sawi duh lek a. “Tin, a hla hian awmzia tak tak a nei lo, a tla chawpa chham chhuah, thu lam nuam rem khawm mai mai a ni (random rhyming nonsense)” tiin a ṭhianpa Kenny Everett, London DJ hnenah a lo sawi tawh bawk.

An band pawn, an zaipu Freddie-a an zahna lan tir nan, a hla thu awmzia hi a ngial a ngana sawi chhuah an tum lem lo. “Mi ten ngaithla se, anmahnia a thawh dan angin let chhuak mai se. Freddie-a mi mal nun nena a inzawmna sawi chhuah kher hi ṭul kan ti lem lo” tiin an lo sawi tawh bawk.

A hla thuaa, ‘Galileo’ tih erawh hi chu, an guitarist Brian May-a, Astronomy lama a thiamna tehkhinna atan metaphor-in a hmansak tih a chiang a. May hian kum 2007 khan, AstroPhysics ah Phd a nei ta nghe nghe a ni. Galileo kha Arsi lam chanchin zir mi, mi thiam hming thang, a enhlatna nena van lam chanchin zir hmasatu a nih kha.

Kum 1986-a, Freddie-a a hla chungchang, Jones an zawh pawh khan, Freddie-a chuan a chhanna dik tak a sawi duh chuang lo a. Chiang lo leh thawi deuh deuh bakin a sawi duh lem lo. Relationship a tih hi, Mipa leh mipa, mipa leh hmeichhe inkungkaihna thu a nih chiah pawh a sawi duh lo a. A chhan pakhat chu, Freddieate chhungkua kha ‘Zoroastrianism’ sakhaw zuitu an ni a. An sakhua chuan, mahni anpui kawp (homosexuality) an pawm lo bur mai si a. Chuvang chuan a mi mal nuna, a sex life chu a chhungte tihnat a duh loh avangin chiang takin a sawi lang duh ngai lo.

Freddie-a thih hnu khan, Jones chuan Mercury kawp ṭhin, Jim Hutton chu a kawm leh a, ani chuan, “He hla hi Mercury-an gay a nih thu an inpuanna hla a ni” tiin a sawi thung a. Freddie-a ṭhian ṭha tak, Tim Rice pawn pawmpuiin, a hla thuah hian chu mi tichiang tur chu a awm a lawm tiin:

"Mama, I just killed a man," tih hian a kawh chu, Freddie khan amaha awm hmasa, a mipa nihna (straight) chu a tihlum a. Mi ten amah an hriat dan hmasa chu a dah bo ta a ni.

"Put a gun against his head, pulled my trigger, now he's dead" tih hian a mipa nihna tur zin kawng a tihchhiat dan leh, mi thar Freddie a nih tak dan a tar lang bawk a ni, tiiin a sawi.

"I see a little silhouetto of a man" tih thu pawh hi amah a insawina a ni a. A sex (man to gay) a thlak tak avanga, hrehawm a tih dan leh a nihna thar a sawina a ni, tiin a sawi bawk.

Sawi tawh angin, a hlaah hian an chenna hmasa Zanzibar kha a thai lang nia sawi a nih kha. Chu chu a hla inṭanna han en pawh hian a awm hle a ni:

𝘐𝘴 𝘵𝘩𝘪𝘴 𝘵𝘩𝘦 𝘳𝘦𝘢𝘭 𝘭𝘪𝘧𝘦?

𝘐𝘴 𝘵𝘩𝘪𝘴 𝘫𝘶𝘴𝘵 𝘧𝘢𝘯𝘵𝘢𝘴𝘺?

𝘊𝘢𝘶𝘨𝘩𝘵 𝘪𝘯 𝘢 𝘭𝘢𝘯𝘥𝘴𝘪𝘥𝘦,

𝘕𝘰 𝘦𝘴𝘤𝘢𝘱𝘦 𝘧𝘳𝘰𝘮 𝘳𝘦𝘢𝘭𝘪𝘵𝘺

𝘖𝘱𝘦𝘯 𝘺𝘰𝘶𝘳 𝘦𝘺𝘦𝘴,

𝘓𝘰𝘰𝘬 𝘶𝘱 𝘵𝘰 𝘵𝘩𝘦 𝘴𝘬𝘪𝘦𝘴 𝘢𝘯𝘥 𝘴𝘦𝘦,

𝘐'𝘮 𝘫𝘶𝘴𝘵 𝘢 𝘱𝘰𝘰𝘳 𝘣𝘰𝘺, 𝘐 𝘯𝘦𝘦𝘥 𝘯𝘰 𝘴𝘺𝘮𝘱𝘢𝘵𝘩𝘺,

𝘉𝘦𝘤𝘢𝘶𝘴𝘦 𝘐'𝘮 𝘦𝘢𝘴𝘺 𝘤𝘰𝘮𝘦, 𝘦𝘢𝘴𝘺 𝘨𝘰,

𝘓𝘪𝘵𝘵𝘭𝘦 𝘩𝘪𝘨𝘩, 𝘭𝘪𝘵𝘵𝘭𝘦 𝘭𝘰𝘸,

𝘈𝘯𝘺 𝘸𝘢𝘺 𝘵𝘩𝘦 𝘸𝘪𝘯𝘥 𝘣𝘭𝘰𝘸𝘴 𝘥𝘰𝘦𝘴𝘯'𝘵 𝘳𝘦𝘢𝘭𝘭𝘺 𝘮𝘢𝘵𝘵𝘦𝘳 𝘵𝘰

𝘔𝘦, 𝘵𝘰 𝘮𝘦

Zanzibar ram rethei ve tak aṭanga chawr chhuak a ni a. Englanda an awm tawh hnua a mitthla let emaw England nen a khaikhin chuan:

Hei hi hringnun tak tak maw?

Tawnmang mawl duhsam ram mai zawk em ni?

Chhiatna nasa tak lo thlengin,

Thil tak tak hi bikbo san theih a ni si lo.

I mit meng la,

Van lam thlir chho teh,

Naupang rethei, tu khawngaihna mah mamawh lo ka ni,

A chhan chu awlsam tea lo langa bo leh mai tur ka ni a,

Hlima lungngai ve ṭhin ka ni a,

Ka ṭum kawng zawh hi kan tan awmzia a nei tak tak lo.

tiin a naupan lai hun awm ang chu a sawi a.

A chang dawt lehah chuan, a sex life inthlak chhoh dan kha, a sawi ngei niin a lang a. A tir lama kan sawi tawh angin, an sakhuain mahni anpui kawp a pawm miau loh avangin, a chhungte rilru pawh a tihnat a hlau hle tih a hriat theih awm e. Tehkhinna hmangin chu chu a sawi chhuak ta a:

He lai chang inṭannaah hian, 'mihring tak tak a thah tak tak thu ni lovin, amaha a nihna hmasa a tihhlum tak dan' a sawi kan tar lan kha, tehkhinna hmangin a sawi niin a lang a.

𝘔𝘢𝘮𝘢𝘢𝘢,

𝘑𝘶𝘴𝘵 𝘬𝘪𝘭𝘭𝘦𝘥 𝘢 𝘮𝘢𝘯,

𝘗𝘶𝘵 𝘢 𝘨𝘶𝘯 𝘢𝘨𝘢𝘪𝘯𝘴𝘵 𝘩𝘪𝘴 𝘩𝘦𝘢𝘥, 𝘱𝘶𝘭𝘭𝘦𝘥 𝘮𝘺 𝘵𝘳𝘪𝘨𝘨𝘦𝘳,

𝘕𝘰𝘸 𝘩𝘦'𝘴 𝘥𝘦𝘢𝘥

Mamaa

Mihring ka that a,

Silai chu a luah chuk tuahin, a cheng ka hmeh per rualin

Mitthi a lo ni ta,

tiin a nihna hmasa a vawmbo tak dan a sawi a. A tlar dawt lehah chuan a nihna thar chu a rawn tar lang ve ta thung a.

𝘔𝘢𝘮𝘢𝘢𝘢, 𝘭𝘪𝘧𝘦 𝘩𝘢𝘥 𝘫𝘶𝘴𝘵 𝘣𝘦𝘨𝘶𝘯,

𝘉𝘶𝘵 𝘯𝘰𝘸 𝘐'𝘷𝘦 𝘨𝘰𝘯𝘦 𝘢𝘯𝘥 𝘵𝘩𝘳𝘰𝘸𝘯 𝘪𝘵 𝘢𝘭𝘭 𝘢𝘸𝘢𝘺

𝘔𝘢𝘮𝘢, 𝘰𝘰𝘰𝘩,

𝘋𝘪𝘥𝘯'𝘵 𝘮𝘦𝘢𝘯 𝘵𝘰 𝘮𝘢𝘬𝘦 𝘺𝘰𝘶 𝘤𝘳𝘺,

𝘐𝘧 𝘐'𝘮 𝘯𝘰𝘵 𝘣𝘢𝘤𝘬 𝘢𝘨𝘢𝘪𝘯 𝘵𝘩𝘪𝘴 𝘵𝘪𝘮𝘦 𝘵𝘰𝘮𝘰𝘳𝘳𝘰𝘸,

𝘊𝘢𝘳𝘳𝘺 𝘰𝘯, 𝘤𝘢𝘳𝘳𝘺 𝘰𝘯 𝘢𝘴 𝘪𝘧 𝘯𝘰𝘵𝘩𝘪𝘯𝘨 𝘳𝘦𝘢𝘭𝘭𝘺 𝘮𝘢𝘵𝘵𝘦𝘳𝘴

Mamaa, hringnun kawng ka zawh ṭan a,

Tunah chuan, a hmaa ka nihna kha kalsanin, ka paih bo ta.

Mama

I ṭah nana ti erawh ka ni lo asin,

Nakin huna ka lo kir leh ta lo a nih pawn,

Lo hre thiam hram hram rawh, engmah hi thil tak tak a awm lo a nia

tiin, mipa a nihna aṭanga gay a nih tak dan leh, chu chuan a chhungte rilru a tihnat dan turzia te chu a hre chiang hle tih a hriat.

Mahse, khati khawpa khawvel huapa lar ta na chu, a nihna chu thup bo reng theih pawh a ni lo tih a hre chiang hle tih a hriat a. A nihna hmasaa a let tak loh dan te hre rengin:

𝘛𝘰𝘰 𝘭𝘢𝘵𝘦, 𝘮𝘺 𝘵𝘪𝘮𝘦 𝘩𝘢𝘴 𝘤𝘰𝘮𝘦,

𝘚𝘦𝘯𝘥𝘴 𝘴𝘩𝘪𝘷𝘦𝘳𝘴 𝘥𝘰𝘸𝘯 𝘮𝘺 𝘴𝘱𝘪𝘯𝘦, 𝘣𝘰𝘥𝘺'𝘴 𝘢𝘤𝘩𝘪𝘯𝘨 𝘢𝘭𝘭

𝘛𝘩𝘦 𝘵𝘪𝘮𝘦

𝘎𝘰𝘰𝘥𝘣𝘺𝘦, 𝘦𝘷𝘦𝘳𝘺𝘣𝘰𝘥𝘺, 𝘐'𝘷𝘦 𝘨𝘰𝘵 𝘵𝘰 𝘨𝘰,

𝘎𝘰𝘵𝘵𝘢 𝘭𝘦𝘢𝘷𝘦 𝘺𝘰𝘶 𝘢𝘭𝘭 𝘣𝘦𝘩𝘪𝘯𝘥 𝘢𝘯𝘥 𝘧𝘢𝘤𝘦 𝘵𝘩𝘦 𝘵𝘳𝘶𝘵𝘩

𝘔𝘢𝘮𝘢, 𝘰𝘰𝘰𝘩

𝘐 𝘥𝘰𝘯'𝘵 𝘸𝘢𝘯𝘵 𝘵𝘰 𝘥𝘪𝘦,

𝘐 𝘴𝘰𝘮𝘦𝘵𝘪𝘮𝘦𝘴 𝘸𝘪𝘴𝘩 𝘐'𝘥 𝘯𝘦𝘷𝘦𝘳 𝘣𝘦𝘦𝘯 𝘣𝘰𝘳𝘯 𝘢𝘵 𝘢𝘭𝘭.

Khua a tlai zo, ka hun a lo thleng ta si,

Ka zang ruh zawhin min ti na a, ka taksa a rawl ṭhum reng mai si

Mangṭha ule, ka kal a hun ta,

Tunah chuan, ka inthupna kalsanin ka nihna dik tak phawrh a ngai ta a.

Mamaa

Thih hi ka hreh asin,

Chuvang chuan pian loh law law te hi ka duh fo.

He lai chang hi, HIV a kai a inhriat tawh hnua a phuah niawma mawi a ni a. MKH a nih avangin, a mipat pui aṭangin HIV a kai nen. Chutah, a natna chuan, a sawisak nasatzia leh, a hri kaina leh kai dan te chu, thuhbo reng theih a nih lohzia a puang chhuak ni berin ka hre ve ṭhin a. Mahse, he hla a phuah lai hian, HIV hi a la kai awm bawk si lo a? HIV in a luh chilh hnua a nun a puan chhuahna niawma mawi a ni, he lai chang hi.

A chang dawt lehah hi chuan, a inpawlh hnawk chho nuai tawh maiin a hriat a. Mahse, ama hlim thla erawh a la lang zel niin a lang a.

“I see a little silhouetto of a man” a tih hi ama hlim thla, a kalsan tak zawk kha niawm tak a ni a.

“Scaramouch, Scaramouch, will you do the Fandango!” tih pawh hi, ama mizia an sawi nen khan a inhmeh viau mai. Uang thuang leh ngaihsam zet mi ni si, chhung lama inkiltawih ru tlat a nih si dan te nen khan a induh hle.

“Thunderbolts and lightning, very, very frightening me,” tih hian, a nun kawnga harsatna a tawh dan tehkhinna hmangin a chham chhuak ni maiin ka hria. Chu chuan, nun nuam lo leh hlauthawng reng renga a siam ṭhin dan te a tar lang a ni mai awm e.

Galileo, Galileo

Galileo, Galileo

Galileo, Figaro – magnificoo tih hi chu, Brian May-a Astro physicist a nihna a chhuanzia a tar lanna a nih thu, chiang taka sawina a awm a.

A chang dawt lehah hian, a naupan lai hunah a thlawk let leh niin a lang a. Zanzibara rethei bakberha an awm hun lai te. Tin, a naupan lai hian, a chhungte lak aṭang lo chuan duat leh duhsak a dawng ngai lo pawh a ni mai thei a. Chungte chu

𝘐'𝘮 𝘫𝘶𝘴𝘵 𝘢 𝘱𝘰𝘰𝘳 𝘣𝘰𝘺 𝘯𝘰𝘣𝘰𝘥𝘺 𝘭𝘰𝘷𝘦𝘴 𝘮𝘦

𝘏𝘦'𝘴 𝘫𝘶𝘴𝘵 𝘢 𝘱𝘰𝘰𝘳 𝘣𝘰𝘺 𝘧𝘳𝘰𝘮 𝘢 𝘱𝘰𝘰𝘳 𝘧𝘢𝘮𝘪𝘭𝘺,

𝘚𝘱𝘢𝘳𝘦 𝘩𝘪𝘮 𝘩𝘪𝘴 𝘭𝘪𝘧𝘦 𝘧𝘳𝘰𝘮 𝘵𝘩𝘪𝘴 𝘮𝘰𝘯𝘴𝘵𝘳𝘰𝘴𝘪𝘵𝘺

𝘌𝘢𝘴𝘺 𝘤𝘰𝘮𝘦, 𝘦𝘢𝘴𝘺 𝘨𝘰, 𝘸𝘪𝘭𝘭 𝘺𝘰𝘶 𝘭𝘦𝘵 𝘮𝘦 𝘨𝘰

Naupang rethei tuma hmangaih loh ka ni,

Naupang rethei chhungkaw rethei aṭanga chawr chhuak,

Sual viau mahse a nun erawh zuah sak ru

Sam taka lo langa kal bo leh mai tur a ni, tiin a chham chhuak a ni ngei ang.

He lai tlar hi chu, a nun dan avanga an sakhaw pathian a auhna chungchang a ni ber awm e. Ngaidam indilna te pawh a ni mai awm e, han sawi fiah vak dan pawh ka thiam lo. Bismillah hi Allah tihna ang tho a nih kha.

𝘉𝘪𝘴𝘮𝘪𝘭𝘭𝘢𝘩! 𝘕𝘰, 𝘸𝘦 𝘸𝘪𝘭𝘭 𝘯𝘰𝘵 𝘭𝘦𝘵 𝘺𝘰𝘶 𝘨𝘰

(𝘓𝘦𝘵 𝘩𝘪𝘮 𝘨𝘰!) 𝘉𝘪𝘴𝘮𝘪𝘭𝘭𝘢𝘩! 𝘞𝘦 𝘸𝘪𝘭𝘭 𝘯𝘰𝘵 𝘭𝘦𝘵 𝘺𝘰𝘶 𝘨𝘰

(𝘓𝘦𝘵 𝘩𝘪𝘮 𝘨𝘰!) 𝘉𝘪𝘴𝘮𝘪𝘭𝘭𝘢𝘩! 𝘞𝘦 𝘸𝘪𝘭𝘭 𝘯𝘰𝘵 𝘭𝘦𝘵 𝘺𝘰𝘶 𝘨𝘰

(𝘓𝘦𝘵 𝘮𝘦 𝘨𝘰) 𝘞𝘪𝘭𝘭 𝘯𝘰𝘵 𝘭𝘦𝘵 𝘺𝘰𝘶 𝘨𝘰

(𝘓𝘦𝘵 𝘮𝘦 𝘨𝘰)(𝘕𝘦𝘷𝘦𝘳) 𝘕𝘦𝘷𝘦𝘳 𝘭𝘦𝘵 𝘺𝘰𝘶 𝘨𝘰

(𝘓𝘦𝘵 𝘮𝘦 𝘨𝘰) (𝘕𝘦𝘷𝘦𝘳) 𝘭𝘦𝘵 𝘺𝘰𝘶 𝘨𝘰 (𝘓𝘦𝘵 𝘮𝘦 𝘨𝘰) 𝘈𝘩

𝘕𝘰, 𝘯𝘰, 𝘯𝘰, 𝘯𝘰, 𝘯𝘰, 𝘯𝘰, 𝘯𝘰

A nun kawng thar zawh avang khan, an sakhuana aṭang pawn a inthiam lo ve ngei a ni ang. Setanan suala a umzui reng dan a sawi a ni mai ang chu.

𝘖𝘩 𝘮𝘢𝘮𝘢 𝘮𝘪𝘢, 𝘮𝘢𝘮𝘢 𝘮𝘪𝘢, 𝘮𝘢𝘮𝘢 𝘮𝘪𝘢, 𝘭𝘦𝘵 𝘮𝘦 𝘨𝘰

𝘉𝘦𝘦𝘭𝘻𝘦𝘣𝘶𝘣 𝘩𝘢𝘴 𝘢 𝘥𝘦𝘷𝘪𝘭 𝘱𝘶𝘵 𝘢𝘴𝘪𝘥𝘦 𝘧𝘰𝘳 𝘮𝘦, 𝘧𝘰𝘳 𝘮𝘦,

𝘍𝘰𝘳 𝘮𝘦𝘦𝘦

He lai tlarah hian, tu nge a va sawi ber hriat a har viau a. A nihna avanga a mah hmusita lungten tu te a sawt letna ni maw? A nun inthlak tak avanga, an cheksawlhna leh an dichimna te, thinrimna taka a sawt letna a ni ber mai ang chu:

𝘚𝘰 𝘺𝘰𝘶 𝘵𝘩𝘪𝘯𝘬 𝘺𝘰𝘶 𝘤𝘢𝘯 𝘴𝘵𝘰𝘯𝘦 𝘮𝘦 𝘢𝘯𝘥 𝘴𝘱𝘪𝘵 𝘪𝘯 𝘮𝘺 𝘦𝘺𝘦

𝘚𝘰 𝘺𝘰𝘶 𝘵𝘩𝘪𝘯𝘬 𝘺𝘰𝘶 𝘤𝘢𝘯 𝘭𝘰𝘷𝘦 𝘮𝘦 𝘢𝘯𝘥 𝘭𝘦𝘢𝘷𝘦 𝘮𝘦 𝘵𝘰 𝘥𝘪𝘦

𝘖𝘩, 𝘣𝘢𝘣𝘺, 𝘤𝘢𝘯'𝘵 𝘥𝘰 𝘵𝘩𝘪𝘴 𝘵𝘰 𝘮𝘦, 𝘣𝘢𝘣𝘺,

𝘑𝘶𝘴𝘵 𝘨𝘰𝘵𝘵𝘢 𝘨𝘦𝘵 𝘰𝘶𝘵, 𝘫𝘶𝘴𝘵 𝘨𝘰𝘵𝘵𝘢 𝘨𝘦𝘵 𝘳𝘪𝘨𝘩𝘵 𝘰𝘶𝘵𝘵𝘢 𝘩𝘦𝘳𝘦

Min cheksawlhin, chil min chhak khum theiah i in ngai maw?

Min hmangaihin, thi turin min kalsan leh thei si ang maw?

Bawih ka chungah hetiang hi tilul suh.

He ta ṭang hian he hmun aṭang hian thlawk bo rawh.

A hla khar nan hian, 'Khawvel hi lemchanna dawhkan mai a nihzia,' Shakespearan a lo aupui tawh kha a rawn pawmpui ve tih a chiang a. Naupang inlemkhual mai mai ang hi kan ni fo reng lah tak a. Thil ṭha nia kan hriat tam tak te hi; ṭhenkhat tan a lo ṭha lo a. Lungrualna tlang reng hi a awm mawlh dawn lo a ni e.

𝘕𝘰𝘵𝘩𝘪𝘯𝘨 𝘳𝘦𝘢𝘭𝘭𝘺 𝘮𝘢𝘵𝘵𝘦𝘳𝘴, 𝘈𝘯𝘺𝘰𝘯𝘦 𝘤𝘢𝘯 𝘴𝘦𝘦,

𝘕𝘰𝘵𝘩𝘪𝘯𝘨 𝘳𝘦𝘢𝘭𝘭𝘺 𝘮𝘢𝘵𝘵𝘦𝘳𝘴,

𝘕𝘰𝘵𝘩𝘪𝘯𝘨 𝘳𝘦𝘢𝘭𝘭𝘺 𝘮𝘢𝘵𝘵𝘦𝘳𝘴 𝘵𝘰 𝘮𝘦

𝘈𝘯𝘺 𝘸𝘢𝘺 𝘵𝘩𝘦 𝘸𝘪𝘯𝘥 𝘣𝘭𝘰𝘸𝘴...

Thil tak tak a awm lo, hringfate hmuh ṭhinah hian.

Thil tak tak hi a awm mawlh lo, ka tan hian,

Luang, thli chhem nghin thin ang vel mai mai kan ni.

Kan thuziah tam zawk hi, keiman ka hriat thiam dan anga ka leh chhuah (interprete) mai a ni a. A ni chiah a lawm, a dik ngei tih thu lam ka sawi lo a. A hla leh Freddie-a nun hmerkawpa, ka rin dan ka puahchhuahpui mai a ni a. Luka ziak anga pawm bur tur a ni lo.

RHT24012022

ZO TUNGCHAW