THE DAYS OF THEIR LIVES
(Nikum tun anga huna ziah, paper puitling turin a kumkhatnaah, han insangmar
teh ang. 'Realism in their poetry' turin)
He hringnun hi hmun sang bera an
dah thin avanga theihnghilh theih tawh loh tur te chu . . .
Awithangpa kha a hringnun zin
kawng kha a vanduaiin, a hun tawp lama hmutu Thanpuii pa chuan, ‘'A fa duhtak
te, a nupui te a lo chan taka avangin, kan inkawm tum chuan a ti ti reng rengte
chu mitthi lam ngaia lungleng em em, lungchhe tak, inti pachang lo phei se
chuan a mualpho ang’' a ti hial.
A hringnun, vanglaini an liam mai
tur te kha a ui em em mai a:
Kan lenlai nghilnghial a leng ka chuai,
Hai ang tar leh sakhmel chul tur Lalawithangpa’n.
Ka dawn khawl lung reng a awi thei lo.
a vullai leh vanglaini chu a la
liam ve dawn tih a hrechianga, a thate a lo thuma, tar an ni tur te kha a ui em
em mai a. An lo tar tak tak tak hnu khan a hla chu rawn chhui letlehin:
Ka vullai leh vanglai a chuai zo ta,
Chhimhlei thuah riat piallei karah Awithangpa,
Ka lo thamral tur hi a pawi ngei mai.
A taksa chu thamral tawh mahse, a
thu leh hla te erawh a tham ral ve ngai dawn si lo.
Damhauhva khan hringnun hi a
thlir liam mai mai lo, a hun hman lai mek chu sawi loh. Hman lai pi pute hun
lai thlengin a zuk ngaituah thleng thin a. Nun a thlahlelin, a ngaisang em em
a. Mahse, upat hun, tar hun chu a lo la thleng ve dawn tih chu a hrechiang si.
Tahna pialrem thlafam an zalna Lelte'n tah e,
Thlang har dar tui luang ngai lo leng,
Ka la chul ve ang.
Awithangpa ang tho in, a han tar mai
tur kha pawi a ti em em mai a ni.
Aw ka vullai hringnun hi pialleiah,
A la zal ang maw dairial changturin
Lungduh par lai tuaidawn a chul tur hi,
Dawn chang reng hian thinlai a dam thei lo.
Siamtu'n hringmite a siam dan a
ni tlat mai si a, a aia uar leh hretin he hringnun hlutzia hi an auchhuahpui
leh a. . .
Hnutiang hmatiang ka dawn changin,
Dar tui ang ka luang ral tur hi,
Lung a awi lo e.
Pian leh thih inkara engkim mai
chu a ngaihtuah chhuak vekin a rinawm. Hetiang khawpa nun, hringnun an dah
chungnung thiam leh an dah ropui thiam hi. . . Hringnun pawh hi a mawi zual
phah ngawih ngawih a ni.
Khu lamah tuipui ral lamah,
khawvel hriat khawpa lar Freddie Mercury pawh khan vanglaini te, vullaini te an
liam vawng vawng mai tur chu a ui, a ngaituah let ve vawng vawng mai a. (An
drummer phuah nimahse, Freddy-a tan kan pawt lut lui)
Sometimes I get to feelin'
I was back in the old days, long ago
When we were kids, when we were young
Things seemed so perfect, you know?
The days were endless, we were crazy, we were young
The sun was always shinin', we just lived for fun
Sometimes it seems like lately, I just don't know
The rest of my life's been, just a show
A ni, tute pawh hian mahni tawk
theuhah vanglai hun kan nei theuha, chung hun te chuan zawi zawiin, kan hriat
mang loh laiin min lo liam san ve zel a. Hun liam tawhte pawt let thei tur
khawpa thiltihtheihna hringmi te hnenah pek a ni si lo.
You can't turn back the clock, you can't turn back the tide
Ain't that a shame?
Ooh, I'd like to go back one time on a roller coaster ride
When life was just a game
No use in sitting and thinkin' on what you did
When you can lay back and enjoy it through your kids
Sometimes it seems like lately, I just don't know
Better sit back and go, with the flow.
Damchhung khawsak lungkham mangan
buaina te'n min man hma, rilru pawh thianghlim em em mai kan put laite, in er
leh elrel awm miah loa nun ho tluka nuam te kha, vawikhat theuh bak tumahin he
khawvelah hian kan tawng dawn si lo. . . Kan lungduh ngaih em em thin te nen
pawh inhmuh nikhua a lo thlen paw'n, "I dam maw, i tha maw?" han
intih liampuat bak hi a dang teh vak a awm thei tawh si lo. . .
Those were the days of our lives, yeah
The bad things in life were so few
Those days are all gone now but one thing's still true
When I look and I find, I still love you
I still love you
Comments
Post a Comment