Posts

Showing posts from August, 2020

KAWLTUCHAWI HLA SAWI FIAHNA

-
Image
KAWLTUCHAWI HLA SAWI FIAHNA Kawltu chu tuthlawh tihna a ni a. Kawltuchawi chu tuthlawh kenga hlo thlo thin te tihna a ni ber ang chu.  1. A hla changkhatnaah chuan an thenrual, lawmte nena hlo an thlawh dan a tarlang a.  An lo, an buh hmun chu ramngaw tha tak ang maiin buh chuan a ti hring mawi em em mai a. Chu hmunah chuan lawmte nen hlim takin hlo an thlo thin a. Rihmim thing rah sava vahui ten hlim taka an tlan ang maiin a inchan a. An hlo thlo tang ri te chu thiam takin an rum nghiai e tiin, an hmabak, an thlawh bak chu thlo zel turin tan an khawh zel a. A changin a sir lamah an han tawlha, hlo thlawh dana an chet vel dan te chu tarlang zelin. Nausen nu leh paten an lawm loh chung pawha hlim taka an nui hak hak mai te inchan zelin, hlo thlawh pah chuan a then an lo zai a. Hlim taka lawmte nena hlo an thlawh thin dan chu changkhatnaah hian min hrilh a ni.  2. A hla chang hnihnaah chuan lawmte nena an hlim thin dan. Tu dang an ngaih lohzia min tarlansak leh thung a.  Khua
Post a Comment
Read more

REVD-A'N MAFAA A HMUH VAWI LI NAA, MAFAA KA HMUH VE DAN - Rohmingthanga Ralte

-
Image
REVD-A'N MAFAA A HMUH VAWI LI NAA, MAFAA KA HMUH VE DAN -Rohmingthanga Ralte Assistant Professor, GANC   Rev. Zairema puala seminar PUC (Mizo Dept.) leh zairema Memorial Society (ZMS) lamin an buatsaih ni hnih ni-ah, paper ka present ve dawn avangin, ka kal ve a. A ni khatna leh chawhma lamah ka tel ve hman lo a.   Ni hnih ni, chhun pachangah ka zuk thleng thla a. Mafaa'n paper a lo chhiar (present) mek a. Mahse, ka lut duh tingtang ta lo a. An zawh veleh chhun chawlh hman zui a nih dawn avangin. An zoa, an rawn chhuak dam dam a. Thingpui te dawhin, a piah deuh thingbuk   hnuai ṭhutna awmah chuan kan ṭhu a.    Kei fiamthu duh ve tak, ziaktu lar hote insawt fiamna vel ngaihnawma ti a, lawm em em tu hian. Fiamthuin Mafaa hnenah, ''Revd-a chu inkap pah zeuh em ka ti a'' . Ani chu a nui liam mai a. Kan ṭhian nu pakhat chuan, ''A. . . a khawngaih thlak e a'' a lo ti a. Hetia ka zawh chhan hi rilru sual leh thip vervek put vanga zawt
1 comment
Read more

Tuisen Tlabung Khawhthla, Ailawng

-
Image
Tuisen Tlabung Khawhthla, Ailawng      He tuikhawhthla chhawng hi a mawi khawp mai. Tuisen Tlabung tiin a hming an vuah a, Ailawng khaw ram chhungah a awm a, a panna hmunte han ṭha deuh ta se, tlawh pawh duh an tam ngei ang. Tin, khualzin hip nan pawh a ṭha khawpin a rinawm.   Thlalatu kan hre loa, kan blog a kan han dah ve thaw mai.
Post a Comment
Read more

India First 1 Rupee Note - Ka Tungchaw

-
Image
India cheng khat note hmasa ber
Post a Comment
Read more

Thlam Namthlak - Ka Tungchaw

-
Image
THLAM NAMTHLAK      Thlam namthlak hi hnathawh hah lai a chawlh nan, thlifim dawn nan a nuam em ema, thlam tlaitlan aṭang hian thlifimte kohin hmanlai chuan an faifuk hlerh hlerh ṭhin.    
Post a Comment
Read more

Mizopa Tapchhak - Ka Tungchaw

-
Image
MIZOPA TAPCHHAK   Nakinah chuan Mizote tapochhak hi hre lo leh hmu hman lo ṭhangthar tam tak an rawn la awm dawn si a. Tapchhak leh a behbawm hmingte hi zir ngai a nih hun a la thleng mai ta lawng!
Post a Comment
Read more

Vankhama Piancham Lawm dan - Vanhmingliana

-
Image
VANKHAMA PIANCHAM   - Vanhming Liana Vawin hi Vankhama Mizo Poet a piancham vawi 114-( 1906- 2020) a lo thleng ta der mai, la dam reng se chu khawvel mi damrei ber pawl an tawh tur.        Vankhama hian danglamna tak a neih pakhat chu a Birthday lawm thin dan kha a ni. A dam lai kha chuan ramhnuai thei leh chin chawp thei kha a la thahnem ve thei em em a. A piancham a lo thlen hma atangin bazaar a thei hmuh theih zawng zawng a lei khawl a, dawhkan sei pui a nei a, a chhawp tlar dul mai a. A ei turin chhung khat leh thenawmte sawmin , thingpui no khat pawh pawh tel lovin a lawm thin kha a ni. Ram theifeihmung thlum takte , bil thei lamin a chhawp kim vek thin.Hmazil, dawnfawh, fanghma phei chu a tam lai a nia , a uar zual. A inbuatsaih nasa thin a, a hlim hle thin.      An punkhawm tam deuh hunah hunserh tih vel hman aiah a Violin- a la chhuak a, " Avemaria " tih hla te hi a tum thin a , a lo tumnalh hle thin, staff notation sap bula zirve a ni bawk a. Heng hlate
Post a Comment
Read more

Zoawi Lelte Vanlalruati - C.Lalthazuala (Bematuale)

-
Image
            FAM-VANLALRUATI      - C.Lalthazuala Zaithiam hmingthang Vanlalruati(Fam), leh a nuṭa, a u te pahnih Vanhmingliana leh Vanchhingpuia te chuan band an din a.An band hmingah chuan an pa hlaphuahthiam hmingthang Vankhama chuan hming a phuahsak a, "The little chirpers" a phuahsak a.chu chu Pu Vanhmingliana'n a sawi dan chuan, la zai thiam tak tak lo, la zai ṭha zik tluak tak tak lo,puitling zai ang tak a aw la puitling tak tak lo, naupang awrawl chhuah ve mai mai, naupang chiau ve mai mai, lo chiap ve mai mai, in nih avangin, "naupang chiau bengchheng" "lo chiap ve mai mai" The Little chirpers hming pu rawh u min ti a.ka pa hmingphuah chu kan pu ta a ni, a ti. "The Little Chirpers" te chu an hunlai chuan mi lawm an hlawh hle mai a.Vanlalruati nuṭa te pahnih Vanhmingliana leh Vanchhingpuia chu rawlthar ang an ni ve tawh maia, Thlang sappui ten "Adolesence period" an tih ang hi anni tawh a. Vanlalruati chu a
Post a Comment
Read more

Sar zam leh Ni Diar khim lan dan, danglamna - Ka Tungchaw

-
Image
SAR   -James Dokhuma   Sar chi 2  a awm a, than sar leh thih sar a ni.     Than sar chu mi ropui bk tura khuarel leh khawtlang chawimawi tlak khawpa thiltih ropui nei tur an awmin mahni awmna aṭanga khawchhak lam vanah khian chhimbal tawite angin a zam ṭhin.   Tin, thih sar a nih chuan chawnhnu tlang herah khawthlang lam vanah chutiang chiah bawk chuan a zam ṭhin. Sara thi chu tunlaia eng 'accident' emaw a thi, natna ni lo va kokar avnanga thih hi a ni a. Sarthi tih a ni. Sar zam leh Ni diar khim: Photo by - Sangzuala Pachuau Ni Diarkhim leh Sar zam hre hrang lo kan awm nual a.  A chung zawk khi 'Sar zam' a hnuai zawk hi 'Ni diar khim' a ni e. Photo by - Dama
Post a Comment
Read more

Pu J. Lianchungnunga leh a sai vulh _ Ka Tungchaw

-
Image
Pu J. Lianchungnunga leh a sai vulh thin!  Hmu pha lo kan awm teuh tawh ang.
Post a Comment
Read more

Mizo Dar chi hrang hrang te - Ka Tungchaw

-
Image
Mizo Dar chi hrang hrang te  Darkhuang: hi Mizo rimawiah chuan a lian ber a, a man pawh a tam ber  awm e. Upate chuan, "Hmeichhe man sial, mipa man darkhuang" an ti ṭhin. Pi pute hun lai chuan sum a tling a, lal leh mi hausate chauhin an nei pha. Mi lu lam ni te, mitthirawp lam ni te, khuangchawi nite hian an tum tuvu hluah hluah ṭhin a, darbu leh khuangte nen an rem a, an ri bung bung ṭhin a, an intih ropuina ber a ni. Tin, lal leh mi hausate an thihin an tum ṭgin a. "Mitthi a ṭah" an ti ṭhin Darkhuang lem Darbu: Darbu khat chu pathum a ni a, a ri a intiat lova chher a ni a, a ri indawt dan chu d r m, m r d ang a ni. Thil tih ropui nikhuaah an chelek hle a, kut niah te, khuallamnaah te an hmang ṭhin. A chhan awm lem lo pawhin a tum thiamten an tum ho ṭhin bawk. Hmanlai aṭanga dar hmingthang an sawi ṭhin pawh darbu a ni deuh vek nghe nghe, chungte chu - Liando dar, Tuaichawng dar, Selbuang dar, Mirang dar, Vahluk dar, Sarai dar, Thlanthla dar, Mang
1 comment
Read more

Lallianmawia Pachuau Hla Thlirna - Rohmingthanga Ralte

-
Image
  LALLIANMAWIA PACHUAU HLA THLIRNA   Rohmingthanga Ralte Assistant Professor Dept. of Mizo, GANC Lallianmawia Pachuau hla thlirna han ziah hi a phurawm rualin a huphurhawm viau mai. A chhan pawh literature tualzawl aṭanga thlirna hi mite ziah han chhiara han en mai tur a awm mang si lo a. Mahni’n, engkima engkim deuh thaw uluk taka zirchian diat diat a ngai vek mai si a. Ngaihdan leh hriat dan thar han vawrh chhuak turin mi ziah sa aṭanga inchhiar varna tur a awm mawlh si lo. Mahse, Mizo mipa zai zinga, hminghmerha ka lo hriat hmasak ber pawl leh naupang chumchiap nih lai aṭanga ka lo tuipui ve tawh a nih avangin chona thar hmachhawn hi a lehlam zawng tak chuan a phurawm ru fu thung si a. Eng pawh nise, mi dangte, a thiam zawk leh hre zawkte cho chhuah zel nan pawh kan ziak mai fa hmiang!             A hla thlirna ziak tur ni mah ila, a hla mal te te chuan kan luh chhuah hman vek lem lo ang. A chhan pawh a hla phuah 49 vel hi han luh chhuah vek turin hun leh hmun a awm dawn si
Post a Comment
Read more